Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Unha das grandes novidades deste ano da Universidade de Vigo, no que ao ensino de linguas estranxeiras se refire, é a implantación dun curso de alemán especialmente destinado ao alumnado das enxeñerías, coa vista posta na demanda destes titulados no país xermano. Esta mesma iniciativa ponse en marcha tamén co inglés.
Fonte: Universidade de Vigo
De aquí a vinte anos, menos da metade dos habitantes da cidade canadense de Montreal falará francés na casa, segundo indicou un estudo publicado pola oficina da lingua francesa de Quebec.
Fonte: Montreal Gazette
Coa intención de acadar o mesmo nivel que os seus homólogos indios, os estudantes tibetanos das escolas e universidades, incluídos os que estudan no ámbito rural, inscríbense cada vez máis en cursos de lingua inglesa para ter máis posibilidades laborais no futuro no resto de China ou no estranxeiro.
Fonte: Indian Express
Hoping to catch up with their Indian counterparts, students in Tibetan schools and universities, including those based in villages, are increasingly seeking enrolment in English-learning courses for better jobs prospects in future in mainland China and abroad.
Fonte: Indian Express
O primeiro ministro de Montenegro, Igor Lukšić, e a oposición chegaron a un acordo sobre o nome da lingua e a materia que se impartirá no sistema educativo do país balcánico. O acordo converte o montenegrino na lingua oficial e o serbio, bosnio e croata en linguas de uso oficial.
Fonte: Government of Montenegro
Mentres a tendencia mundial é de estancamento no número de estudantes do idioma, no Brasil o interese pola lingua de Goethe é cada vez maior. Máis de 91000 brasileiros estudan hoxe alemán, 41 % máis que no inicio da década.
Fonte: Deutsche Welle
As milicias islámicas Al Shabab, vinculadas a Al Qaeda, supoñen unha ameaza para a lingua inglesa en Somalia, segundo informou o xornal londiniense Al-Quds Al-Arabi. Na cidade de Chisimaio, no sur do país, as milicias prohibiron o ensino do inglés nas escolas e obrigaron os profesores a substituílo polo árabe, a lingua do Corán.
Fonte: Adn Kronos
A principal televisión pública de Kazakhistán cesa a emisión de contidos en ruso a pesar de que esta lingua goza no país de status de lingua oficial. O cambio tamén inclúe a esixencia dalgúns políticos de eliminar o ruso da constitución do país, 20 anos despois da independencia da antiga Unión Soviética.
Fonte: The Telegraph
A construción de ata 7900 novas vivendas no condado galés de Conwy podería arruinar a cultura local. Esta é a opinión dos concelleiros que están a adoptar unha postura histórica para protexer a lingua e cultura galesas e o medio natural nesta zona de Gales.
Fonte: Daily Post
O conselleiro de Benestar Social e Familia da Generalitat, Josep Lluís Cleries, e o director xeral da Fundación La Caixa, Jaume Lamaspa, presentaron este material pedagóxico ás entidades que se dedican á formación e alfabetización de inmigrantes.
Fonte: ABC
Subscríbase ao boletín
