A Mesa pola Normalización Lingüística denuncia un caso de 'discriminación e vulneración de dereitos lingüísticos' ocorrido no Hospital de Fátima de Vigo, que é privado pero ten un concerto co Servizo Galego de Saúde (Sergas).
Fonte: Atlántico Diario
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de xaneiro de 2012
23 de xaneiro de 2012
O Servizo de Normalización Lingüística (SNL) da Universidade da Coruña comezou a difundir, tanto en formato dixital como en papel, Unha outra guía para a intervención lingüística, unha publicación que recolle diversas propostas sobre o traballo e o discurso de cara á normalización da lingua galega.
Fonte: CTNL
23 de xaneiro de 2012
Nestes tempos de crise, o coñecemento dun segundo idioma converteuse nunha ferramenta fundamental para encontrar emprego. Por este motivo, nos últimos tempos disparouse a demanda de cursos de idiomas, especialmente os de inglés.
Fonte: RTVE
23 de xaneiro de 2012
O ‘pack Dualia’, composto de teléfono móbil e auricular para dúas persoas, está presente en máis de 1500 centros sanitarios, oficinas públicas, dependencias policiais e empresas de España.
Fonte: Diario Vasco
21 de xaneiro de 2012
O ensino da lingua inglesa está a florecer entre as novas xeracións de kurdos do Kurdistán iraquí, dada a boa consideración que se ten desta lingua á hora de buscar oportunidades de traballo e un mellor futuro.
Fonte: The Kurdish Globe
21 de xaneiro de 2012
Desde 1989, o palenque, lingua crioula de base española con influencias do portugués e falas africanas e falada no municipio colombiano de San Basilio de Palenque, comezou a revivir nas aulas de primaria co obxectivo de perpetuarse na comunidade. Hoxe en día, algúns deses alumnos de antano son os encargados de alfabetizar 500 maiores na súa lingua materna.
Fonte: El Tiempo
21 de xaneiro de 2012
A Academia da Lingua Quechua espera que o actual presidente de Perú, Ollanta Humala, aprobe o seu Regulamento de Organización e Funcións que garanta o financiamento necesario para implementar o ensino do quechua en Cusco e outras zonas do país.
Fonte: La República
21 de xaneiro de 2012
O Consello da Lingua Galesa iniciou unha investigación sobre o modo no que o Concello de Merthyr Tydfil, no sur de Gales, está a empregar a lingua galesa na comunicación coa cidadanía. A presidenta do Consello, Meri Huws, declarou que a publicación do seu sitio web "unicamente en inglés" contribuíu a levantar "serias dúbidas" sobre o compromiso do Goberno local coa lingua.
Fonte: BBC
21 de xaneiro de 2012
O partido laborista maltés mostrou a súa satisfacción pola sinatura do acordo entre a compañía aérea Air Malta e o sindicato de membros de tripulación de cabina que supón que o dominio da lingua maltesa aínda sexa un requisito nas novas contratacións.
Fonte: Malta Today
20 de xaneiro de 2012
O Consello Escolar de Euskadi alertou do “baixo nivel competencial” en éuscaro que acada “unha porcentaxe importante do alumnado dos modelos B e D”. Son os modelos lingüísticos nos que máis estudantes hai hoxe e nos que a maioría das materias se ensinan en éuscaro.
Fonte: El País
Boletín
Subscríbase ao boletín
