A rexión de Friuli-Venezia Giulia aprobou a repartición entre as entidades e asociacións que se ocupan da promoción das minorías de lingua alemá.
Fonte: AGI
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de agosto de 2011
26 de agosto de 2011
Paraguai conmemorou o día 25 de agosto con mensaxes, actos oficiais e poemas o Día do Idioma Guaraní, unha lingua á que se lle pretende dar un novo impulso cunha lei que obriga a utilizala, xunto co español, nos documentos oficiais e coa creación dunha academia que unificará os criterios sobre o seu uso.
Fonte: El Nacional
25 de agosto de 2011
A Organización Nacional de Cegos Españois (ONCE) está a ampliar a oferta de recursos educativos dispoñibles en lingua galega para as persoas cegas e con discapacidade visual, coa colaboración da Xunta de Galicia.
Fonte: Xunta de Galicia
25 de agosto de 2011
O ministro do Interior de Francia, Claude Guéant, informou que se lles esixirá aos inmigrantes dominio intermedio da lingua francesa para que permanezan no país.
Fonte: DCI
25 de agosto de 2011
O Concello de San Sebastián destacou que o número de falantes de éuscaro aumenta progresivamente na cidade, de forma que o 40,35 por cento dos donostiarras é euscaldún e o 26,62 por cento é cuasi-euscaldún. Entre os mozos menores de 25 anos, os euscaldúns e cuasi-euscaldúns chegan ao 90 por cento.
Fonte: Noticias de Gipuzkoa
25 de agosto de 2011
O libro, que leva por título O vervo xido. A fala secreta dos canteiros de Cerdedo, é un manual que reúne máis de 2000 termos da xerga dos canteiros coa finalidade de guiar a todos os profesionais do oficio interesados en aprendela. Aínda que xa hai outras publicacións semellantes, a novidade que inclúe esta obra é que as palabras veñen ordenadas por campos semánticos, o que facilita a súa aprendizaxe.
Fonte: Faro de Vigo
25 de agosto de 2011
Un grupo de mozos galegos vén de unir as súas forzas para poñer en marcha Vencello, a primeira rede temática de blogs en lingua galega, que xorde a partir da unión de diversos espazos xa existentes en internet e doutros novos creados ex profeso, que tentan cubrir un amplo abano de temas co punto en común de estaren escritos en galego.
Fonte: TIC Galicia
24 de agosto de 2011
As principais subvencións concedidas para a promoción do éuscaro, que proceden das arcas do Goberno vasco, sufriron un significativo recorte do 4,3 % desde o pasado ano 2009, ata situarse nos 12,53 millóns de euros que prevén repartirse ao longo deste exercicio.
Fonte: Noticias de Gipuzkoa
24 de agosto de 2011
Este dicionario técnico traduce ao redor de 700 termos informáticos á lingua de signos española.
Fonte: La Vanguardia
24 de agosto de 2011
O primeiro dicionario para persoas con discapacidade auditiva estará a disposición do público durante o primeiro trimestre de 2012.
Fonte: La Hora
Boletín
Subscríbase ao boletín
