Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Tres institutos da Comunidade de Madrid ofrecen aos alumnos de Bacharelato a posibilidade de finalizar os seus estudos conseguindo unha dobre titulación dos Gobernos español e francés, en virtude do programa ‘Bachibac’ que este ano comezou a súa andaina na rexión.
Fonte: La Vanguardia
Un novo libro publicado en Guernsey, unha das illas británicas da canle da Mancha, ofrecerá unha pequena introdución da antiga lingua da illa.
Fonte: Language News
Menos de un de cada dez hospitais británicos realiza algunha inspección para comprobar se os enfermeiros procedentes de Europa saben falar inglés antes de contratalos para traballar. Segundo o organismo de control do Servizo Nacional de Saúde británico, os problemas lingüísticos xorden unicamente cando os pacientes solicitan máis analxésicos ou outro tipo de comida e non os entenden.
Fonte: Mail Online
Zhang Chongyin, xefe da oficina rexional de radio, cinema e televisión de Tíbet, informou que a oficina mellorará a cobertura de radio e televisión en zonas remotas da rexión, retransmitirá máis programas bilingües e traducirá un maior número de películas chinesas e estranxeiras para o pobo tibetano.
Fonte: China Daily
O Grupo Parlamentario Socialista preguntou ao Goberno aragonés cando pensa renovar o convenio para que os alumnos xordos de diferentes institutos de Aragón conten con intérpretes de lingua de signos.
Fonte: ABC
A comisión de Educación do Parlamento foral votou en contra dunha moción que instaba o Goberno de Navarra a dotar os medios de comunicación en éuscaro dos “recursos necesarios" para empregar esta lingua de forma “habitual e progresiva”.
Fonte: Diario de Navarra
A Corporación de Internet para a Asignación de Nomes e Números (Icann) abre un novo período para que as cidades, territorios ou organizacións que o desexen soliciten ter un dominio propio en internet. A Asociación PuntoGal, co apoio da Secretaría Xeral de Modernización da Xunta, presentará a súa candidatura co obxectivo de facer realidade o .gal.
Fonte: La Opinión
A Deputación da Coruña publicou as bases reguladoras do programa de cooperación cos concellos da provincia da Coruña para a creación ou mantemento dos seus servizos de normalización lingüística durante o ano 2012.
Fonte: Consello da Cultura Galega
A Secretaría Xeral de Política Lingüística convoca para o ano 2012 un total de 125 cursos de lingua galega preparatorios para as probas dos niveis Celga 1, Celga 2, Celga 3 e Celga 4. O Diario Oficial de Galicia do 9 de xaneiro publica a orde pola que se anuncia esta oferta de formación, voluntaria e gratuíta, dirixida a particulares (adultos) que desexen participar nos cursos e tamén a colectivos, entidades e/ou asociacións interesados en organizalos.
Fonte: Xunta de Galicia
O alumnado andaluz de Primaria e Secundaria acada en idiomas puntuacións equivalentes a notable, segundo o informe das probas de avaliación de diagnóstico correspondente ao curso 2010/2011, que incluíu por primeira vez a valoración da competencia lingüística en linguas estranxeiras.
Fonte: Ideal
Subscríbase ao boletín
