O BNG de Bergantiños entregou os seus premios anuais Patria e Lingua, cos que recoñece o emprego e a defensa da lingua galega por parte dos empresarios da comarca.
Fonte: La Opinión
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de xullo de 2011
22 de xullo de 2011
O alcalde do Carballiño, Argimiro Marnotes, trasladoulle ao responsable de Política Lingüística, Anxo Lorenzo, a vontade do seu concello de colaborar coa Xunta no fomento social do galego.
Fonte: Xunta de Galicia
21 de xullo de 2011
Un 81 % da poboación valora positivamente o proxecto de ensino trilingüe (en éuscaro, castelán e inglés) do Departamento de Educación do Goberno Vasco. O estudo realizado por esta institución sinala, ademais, que un terzo da poboación escribe e fala inglés.
Fonte: Aprende+
21 de xullo de 2011
O reitor da Universidade de Oviedo, Vicente Gotor, indicou á Asociación Universitaria polo Asturiano (CUPA) que un cambio no regulamento da institución académica permitirá que poidan presentarse teses en asturiano, segundo informou a asociación.
Fonte: La Voz de Asturias
21 de xullo de 2011
En Nova Guinea fálanse máis de 1000 linguas, ao redor de 800 en Papúa Nova Guinea e 200 na Papúa Indonesia, pero a maioría ten menos de 1000 falantes, a miúdo localizados nunha vila ou un conxunto de aldeas.
Fonte: Bangkok Post
21 de xullo de 2011
Malia que o Goberno do Estado afirma estar facendo todos os esforzos para promover o malayalam, a decisión de que todas as páxinas web do Goberno sexan bilingües continúa no papel tras catro anos.
Fonte: Deccan Chronicle
21 de xullo de 2011
A finais de 2012, a UE contará cun observatorio do plurilingüismo en liña que documentará as mellores prácticas na execución de políticas lingüísticas e mostrará ferramentas específicas para resolver problemas cotiás de comunicación relacionados coas linguas estranxeiras.
Fonte: EurActiv
21 de xullo de 2011
O secretario xeral de Política Lingüística, Anxo Lorenzo, e o director de comunicación e márketing de Asociación Hostelería Compostela, Aser Álvarez, presentaron as bases dun orixinal concurso de microrrelatos a través das redes sociais, concretamente de Facebook, que xorde co gallo do oitavo centenario da catedral de Santiago.
Fonte: Xunta de Galicia
21 de xullo de 2011
O conselleiro de Educación, Xesús Vázquez, e o presidente do Consello da Cultura Galega (CCG), Ramón Villares, asinaron un convenio de colaboración en materia de normalización lingüística no ámbito local.
Fonte: La Voz de Galicia
20 de xullo de 2011
Só un 8,84 % das ofertas de emprego en Galicia valora o coñecemento dunha lingua autonómica para acceder ao posto -o galego no 97,31 % dos casos-, segundo unha análise realizada por Adecco e Infoempleo.
Fonte: El Correo Gallego
Boletín
Subscríbase ao boletín
