Un proxecto educativo bilingüe pretende preservar unha lingua ameazada, o waotededo, falada por case tres mil persoas na rexión amazónica ecuatoriana.
Fonte: Terra
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de xullo de 2011
O Parlamento austríaco deu un pequeno paso para pór fin a unha antiga disputa coa minoría eslovena do sur do país ao aprobar unha lei que permite duplicar o número de comunidades que poden empregar a sinalización bilingüe.
Fonte: Monsters and Critics
06 de xullo de 2011
Etiquetar produtos só en catalán podería ser imposible se o Parlamento Europeo aproba unha nova directiva que permite aos Estados membros obrigar a que todas as etiquetas estean, como mínimo, nunha das linguas oficiais da Unión Europea, entre as que non está a catalá.
Fonte: La Vanguardia
06 de xullo de 2011
O polémico borrador do decreto do Goberno valenciano foi denunciado por diversas entidades culturais ante expertos do Consello de Europa por considerar que favorece un “uso irregular” da lingua minoritaria e “incumpre” a Carta Europa das Linguas Rexionais e Minoritarias.
Fonte: El País
06 de xullo de 2011
O número de libros editados en galego incrementouse durante 2010 nun 28,8 %. A Federación de Gremios de Editores de España facía público un adianto do seu Estudio de comercio interior del libro en España. Este ascenso é o maior de todas as linguas de edición do Estado, moi por riba do 5,6 % en que medrou a produción en castelán, o 3,5 % do éuscaro ou o 0,7 % en catalán.
Fonte: Culturagalega.org
06 de xullo de 2011
Un total de 90 estudantes procedentes de 26 países aprenderán lingua e cultura galegas na Universidade de Santiago de Compostela (USC) durante este mes de xullo.
Fonte: Xunta de Galicia
06 de xullo de 2011
O conselleiro de Educación e Ordenación Universitaria, Xesús Vázquez, e o secretario xeral de Política Lingüística, Anxo Lorenzo, viaxan a Madrid para manter o seu primeiro encontro institucional co Comité de Expertos da Carta Europea das Linguas Rexionais ou Minoritarias (CELRM).
Fonte: Xunta de Galicia
05 de xullo de 2011
Seán O’Cuirreáin, o comisario responsable da lingua irlandesa, revelou que o organismo sanitario HSE West e o Museo Nacional de Irlanda estaban a incumprir a lexislación referida á lingua. A Oficina dos Oireachtas (Parlamento da República de Irlanda) será agora a encargada de tomar as medidas adicionais oportunas para corrixir estas infraccións.
Fonte: NewsTalk
05 de xullo de 2011
Membros destacados da comunidade usbeca da cidade kirguiz de Osh propuxeron adoptar gradualmente o kirguiz como lingua de instrución nas escolas. Algúns expertos suxiren que a proposta pode traer consigo tensións étnicas xa que algúns pais poden considerala discriminatoria.
05 de xullo de 2011
Un total de 876 nenos e mozos castelanmanchegos aprenderán inglés este verán cos cursos «Speak English» que ofrece a Fundación Caixa Castela-A Mancha en Irlanda, Canada e España. Trátase dun programa consolidado que conta coa colaboración do Banco CCM.
Fonte: ABC
Boletín
Subscríbase ao boletín
