Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Junta de Andalucía oferta para este curso 2010-2011 un total de 9.000 prazas para a realización de estancias formativas e intercambios escolares no estranxeiro para mellorar a aprendizaxe de idiomas (inglés, francés e alemán) do alumnado andaluz de ESO, bacharelato e ciclos formativos.
Fonte: ABC
A escolarización en valenciano sobe en todos os niveis, aínda que é a educación secundaria obrigatoria (ESO) a que máis crece, ao pasar en dez anos do 10,81 % dos alumnos matriculados no curso 1998 a un 26,02 % no 2007/2008. Isto despréndese do informe "O libro branco do ensino secundario" dado a coñecer recentemente. Nel tamén se indica que 35 institutos públicos menos ensinan esta lingua, aínda que o número de grupos aumenta en 1.468 máis (o 21,7 %). "Menos centros teñen máis grupos en valenciano", subliña o "Libro branco".
Os alumnos da Universidade de Santiago que elaboren os seus traballos académicos, os proxectos de fin de carreira ou os proxectos de fin de grao en galego teñen unha nova oportunidade de tomar parte nos premios á calidade e á excelencia lingüística da Universidade.
Fonte: La Voz de Galicia
A Universidade de Calgary na provincia canadense de Alberta e os membros de goberno da Nación Indíxena Tsuu t'ina comezaron a desenvolver un programa para preservar a lingua tsuu t'ina que está actualmente ao bordo da extinción.
Fonte: Toronto Sun
Un informe da Ofsted (Oficina de Normas de Educación do Reino Unido) mostra un acusado descenso do número de alumnos que estudan linguas estranxeiras a partir dos 14 ou 16 anos e indica, ademais, que as clases de francés, alemán e español quedan reducidas a miúdo a técnicas de aprendizaxe de memoria destinadas a preparar os alumnos para os exames.
Fonte: The Telegraph
O proxecto Medi Terra, unha colaboración entre tres pequenas editoriais de Córsega, Sardeña e Cataluña, ten como obxectivo achegar as literaturas corsa, sarda e catalá mediante a publicación simultánea de obras orixinais nas linguas de cada un destes lugares.
Fonte: La Mañana
Ciutadans anunciou que ofrecerá asesoramento legal aos pais que desexen pedir ás escolas ou ao Departamento de Ensino da Generalitat de Catalunya que a lingua vehicular sexa tanto a castelá como a catalá, de acordo co que sinala unha sentenza do Tribunal Supremo.
Fonte: ADN
O Parlamento de Galicia ofrecerá no primeiro trimestre de 2011 un curso de galego co obxectivo de contribuír a perfeccionar a produción oral e incrementar a eficacia da expresión dos deputados, mediante o reforzo da comprensibilidade e a fluidez discursiva.
Fonte: El Progreso
O Centro Ramón Piñeiro para a Investigación en Humanidades vén de publicar novos materiais inéditos que afondan na figura e na obra de Uxío Novoneyra.
Fonte: Xunta de Galicia
O vicedirector da Real Academia Española, José Antonio Pascual, criticou na Universidade de Salamanca a “falta de claridade" da linguaxe administrativa e o uso inadecuado que se fai das palabras técnicas por parte dos profesionais cando non falan con colegas.
Fonte: ABC
Subscríbase ao boletín
