Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno vasco aprobou dúas propostas da conselleira de Cultura, Blanca Urgell, para a concesión de dúas subvencións, de 50.000 euros cada unha, ao Concello de La Puebla de Arganzón e ao Concello de Condado de Treviño para o fomento do éuscaro nos devanditos municipios burgaleses.
Fonte: Europa Press
Os sistemas de tradución simultánea deron un paso máis cunha nova aplicación, deseñada para iPhone, que utiliza a tecnoloxía de realidade aumentada. A nova utilidade chámase Word Lens e permite traducir palabras en tempo real a través da cámara do teléfono.
Fonte: Linguamón
Galegolab.org quere encher o baleiro que existe a día de hoxe no eido das guías (telefónicas e de negocios) no que a informar do emprego do galego se refire.
Fonte: Código Cero
O sistema operativo Chrome está dispoñible xa tanto en galego coma en éuscaro desde o pasado 19 de decembro, polo que se converten xunto co chinés nos primeiros idiomas en teren traducidos todos os ficheiros ao 100 %.
Fonte: Código Cero
Maxia e música daranlle a despedida ao 2010 en Bocaberta, o programa que leva a cabo a Secretaría Xeral de Política Lingüística para promover o uso do galego entre os máis novos.
Fonte: Xunta de Galicia
O responsable de Política Lingüística, Anxo Lorenzo, inaugurou na Escola Galega de Administración Pública as xornadas de formación para os lectores e lectoras de lingua e literatura galegas que organiza anualmente a secretaría xeral.
Fonte: Xunta de Galicia
Dentro do labor de renovación léxica que se desenvolve no proxecto Terminoloxía Asturiana (TERMAST) da Academia da Lingua Asturiana, inclúese unha nova proposta, dedicada esta vez á terminoloxía dos conceptos básicos da física.
Fonte: ASTURNEWS
Apple só está dispoñible en 50 idiomas dun total de milleiros, pero iso non impediu que a nación cheroqui pedise que a súa lingua estivese presente na última versión do seu sistema operativo. Apple decidiu atender a súa demanda e agora espérase que os mozos poidan utilizar o iPhone para axudar a manter viva esta lingua.
Fonte: Tucson Citizen
O Goberno de Navarra aprobou destinar 12.341 euros á implantación de sistemas de tradución automática ao éuscaro en diversas entidades locais, e conceder outros 15.427 euros máis ao de Pamplona para promover actividades en éuscaro e a reciclaxe lingüística do persoal.
Fonte: ABC
Para contribuír a vivir as tradicións ligadas ao Nadal en galego, a Secretaría Xeral de Política Lingüística, a través do seu web, puxo a disposición da cidadanía diversos recursos: receitas de pratos típicos destas datas, produtos para vestir a mesa etiquetados en galego, propostas para procurar un agasallo novo e orixinal etc.
Fonte: Xunta de Galicia
Subscríbase ao boletín
