Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Ramón Máiz Suárez é o gañador da décima edición do Premio Ramón Piñeiro de Ensaio, un galardón que convocan a Secretaría Xeral de Política Lingüística –a través do Centro Ramón Piñeiro para a Investigación en Humanidades– e a Editorial Galaxia, coa colaboración de Gas Natural Fenosa.
Fonte: Xunta de Galicia
O secretario xeral de Política Lingüística, Anxo Lorenzo, anunciou, no encontro informativo provincial sobre esta iniciativa que tivo lugar en Ourense, a próxima constitución da Rede de Dinamización Lingüística, que se levará a cabo no mes de xaneiro.
Fonte: Xunta de Galicia
A Secretaría Xeral de Política Lingüística, a través do Centro Ramón Piñeiro para a Investigación en Humanidades, vén de publicar dúas obras que afondan no patrimonio lingüístico e literario galego-portugués.
Fonte: Xunta de Galicia
A Universidade de Indiana está creando un novo programa universitario que axudará aos estudantes a adquirir o dominio do suahili. Trátase do segundo programa avanzado de linguas da universidade.
Fonte: Chicago Tribune
Con 30 linguas indíxenas ao bordo da extinción, o Goberno federal anunciou plans para multiplicar por catro os fondos destinados a programas na Columbia Británica co fin de revitalizar as linguas que poden salvarse e preservar as que poden desaparecer nos próximos cinco anos.
Fonte: The Globe and Mail
A deputada do Bloque Nacionalista Galego (BNG) Carme Adán instou a Xunta de Galicia a ofrecer o idioma portugués como segunda lingua estranxeira en todos os centros públicos da comunidade que impartan educación secundaria, para o que reclamou que se doten "do profesorado necesario".
Fonte: Galicia Hoxe
Bocaberta, o programa de dinamización do galego que a Secretaría Xeral de Política Lingüística dirixe aos mozos e mozas de 3 a 18 anos, segue coa súa actividade nos días previos ao Nadal.
Fonte: Xunta de Galicia
O secretario xeral de Política Lingüística, Anxo Lorenzo, apelou á "responsabilidade lingüística das empresas que traballan ou teñen o seu mercado en Galicia para que incorporen o uso do galego ás súas actividades".
Fonte: Xunta de Galicia
O Pazo da Deputación Provincial de Pontevedra acolleu o encontro informativo provincial sobre a Rede de Dinamización Lingüística. O obxectivo da xornada era presentarlles aos concellos os obxectivos da rede, o seu funcionamento e as vantaxes de se integrar nela.
Fonte: Xunta de Galicia
O Instituto Navarro do Éuscaro activou a campaña de Nadal 'Gabonetan, euskaraz ere bai! 2010' ('No Nadal, tamén en éuscaro, 2010'), organizada por terceiro ano consecutivo para promover o uso do éuscaro en actividades lúdicas relacionadas con estas festas.
Fonte: 20 minutos
Subscríbase ao boletín
