Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    04 de maio de 2009

    O portal limiargalego.blogspot.com reúne apoios para crear unha "rede popular de ensino" en lingua galega que precisa de 3.000 socios para fundarse o 17 de maio en Santiago de Compostela.

    Fonte: Galicia Hoxe

    04 de maio de 2009

    Os deputados do Grupo Popular con máis dificultades para expresarse en galego farían ben en adquirir desenvoltura no seu manexo. Así o recomenda Feijóo.

    Fonte: La Voz de Galicia

    04 de maio de 2009

    Na liña telefónica aberta pola Mesa pola Normalización Lingüística (MPNL) queda patente o difícil que é escolarizar os máis pequenos en galego. As máis de 500 queixas recollidas desde xaneiro demóstrano.

    Fonte: El País

    30 de abril de 2009

    A decisión da Xunta de ordenar aos colexios permitir a libre elección do idioma nas clases xerou desconcerto entre profesores, directores de centros e pais de alumnos, que critican que se queira eliminar o decreto sobre o galego no ensino sen consultar antes coa comunidade educativa.

    Fonte: La Opinión de A Coruña

    30 de abril de 2009

    O titular da Xunta anima os seus parlamentarios a utilizar o idioma que mellor manexen e pide que ninguén se acomplexe polas posibles críticas.

    Fonte: Faro de Vigo

    30 de abril de 2009

    O 65,70 % dos cidadáns vascos castelanfalantes intentou aprender éuscaro nalgunha ocasión e o 55 % séntese "próximo ao mundo do éuscaro", mentres que menos do 10 % asegura que non lle interesa, segundo recolle o estudo 'Tópicos, prexuízos e actitudes da poboación castelanfalante ante o éuscaro' realizado por Unesco Etxea para a Viceconsellería de Política Lingüística do Goberno vasco.

    Fonte: Europa Press

    30 de abril de 2009

    Durante todo o mes de maio a cidade da Coruña encherase de diversas actividades para que pequenos/as e mozos/as poidan gozar da lingua galega. Unha carpa móbil percorrerá os diversos barrios con animación de rúa, concertos, teatro, animación á lectura, exposición de materiais etc.

    Fonte: CTNL

    29 de abril de 2009

    Os organizadores dos Xogos Olímpicos de Inverno de Vancouver, que se celebrarán no ano 2010, solicitan fondos suplementarios do Goberno federal para financiar o uso do francés durante a celebración destes Xogos.

    Fonte: The Canadian Press

    29 de abril de 2009

    Os estudantes poderán escoller indistintamente entre castelán ou galego para dirixirse aos profesores e facer exames coas excepcións das materias de Lingua Española e Lingua Galega.

    Fonte: La Opinión de A Coruña

    29 de abril de 2009

    A Generalitat de Catalunya puxo en funcionamento un portal en internet para facilitar a integración dos inmigrantes, que inclúe información básica sobre a sociedade catalá e a súa lexislación, traducida a dez linguas diferentes.

    Fonte: 20 minutos

    Boletín

    Subscríbase ao boletín

    Logo Feder