O Ministerio de Educación de Perú reúne a expertos da cultura e a lingua mochicas para conformar un equipo técnico pedagóxico para a normalización do alfabeto mochica.
Fonte: Con Nuestro Perú
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de novembro de 2010
A lingua galega dispón dun dicionario galego-éuscaro e éuscaro-galego, un manual no que se recollen arredor de 5.000 entradas e outras tantas frases feitas e expresións típicas.
Fonte: Duvi
18 de novembro de 2010
O Concello de Vitoria promoverá o uso do éuscaro en 900 comercios da cidade a través da campaña 'Eskerrik asko, te lo agradecerán'.
Fonte: El Correo
18 de novembro de 2010
Arredor de 23 millóns de persoas falan acotío holandés en todo o mundo. En total, fálase algunha variedade desta lingua en 18 países. Na antiga colonia de Surinam, o holandés é a primeira lingua do 60 % da poboación, pero estímase que un 90 % sabe falalo.
Fonte: Dutch News
18 de novembro de 2010
O Ministerio de Educación destinou 776.431 euros dirixidos a financiar o aumento de oferta de prazas para o ensino de inglés para mozos nas escolas oficiais de idiomas de Castela e León.
Fonte: La Crónica de León
17 de novembro de 2010
Un total de 44 entidades de Biscaia, Álava e Guipúscoa recibiu en San Sebastián os certificados de calidade Bikain que o Goberno vasco entrega á boa xestión que fan do éuscaro organizacións e empresas.
Fonte: Finanzas
17 de novembro de 2010
O Día da Lingua Islandesa celébrase por 15.ª vez con varios actos nas escolas, institucións e organizacións do país.
Fonte: Iceland Review
17 de novembro de 2010
O Goberno vasco espera poñer en marcha no curso 2011-2012 o proceso para conceder titulacións homologadas de éuscaro aos alumnos do 'modelo D', é dicir, os que estudan integramente nesta lingua.
Fonte: Diario Vasco
17 de novembro de 2010
As escolas públicas de Chicago anunciaron un novo programa educativo bilingüe que pon énfase na alfabetización en dous idiomas desde o ensino preescolar ata o final do bacharelato e no mantemento das raíces culturais dos alumnos.
16 de novembro de 2010
Demostrar un coñecemento básico de catalán ou castelán será obrigatorio para obter o título de taxista a partir da primeira convocatoria de exame de 2011, só para os aspirantes que proveñan de países que non teñan como lingua oficial o catalán ou o castelán.
Fonte: Europa Press
Boletín
Subscríbase ao boletín
