Madrid é o terceiro destino idiomático do país con cerca de 40.000 estudantes ao ano, procedentes principalmente de Estados Unidos, Alemaña e Francia, segundo informou o Concello da capital.
Fonte: Europa Press
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de novembro de 2010
10 de novembro de 2010
Os ministros de Industria da Unión Europea reúnense de forma extraordinaria co obxectivo de exercer presión sobre España e Italia para que renuncien ás súas respectivas linguas na futura patente comunitaria, que só se traducirá ao francés, inglés e alemán.
Fonte: Cinco Días
10 de novembro de 2010
Mil novos profesores de chinés recibirán formación para traballar nas escolas británicas, segundo anunciaron os ministros durante a misión comercial a Pequín de David Cameron. A iniciativa multiplicará por once o número de profesores cualificados, situado actualmente arredor de 100, e espérase que se obteñan os suficientes docentes para que todos os estudantes que queiran aprender chinés poidan facelo.
Fonte: The Scotsman
10 de novembro de 2010
A presidenta do Instituto Camões, Ana Paula Laborinho, resaltou en Vigo que a "internacionalización do idioma" portugués é un "capital" que "pode transformarse en vantaxe nestes tempos de dificultade".
Fonte: ABC
09 de novembro de 2010
"A lingua oficial da República de Alemaña é o alemán". Estas son as palabras que á Asociación para a Lingua Alemá (Verein Deutsche Sprache ou VDS) lle gustaría ver incluídas na Constitución de Alemaña.
Fonte: Deutsche Welle
09 de novembro de 2010
O Goberno valenciano aposta por un sistema educativo que descanse en tres eixes, que engloban as dúas linguas cooficiais (castelán e valenciano), ademais dunha lingua estranxeira, con preferencia o inglés.
Fonte: Las Provincias
09 de novembro de 2010
A lingua chinesa é cada vez máis popular nos institutos de Dinamarca e 13 deles xa ofrecen cursos de lingua chinesa.
Fonte: Xinhuanet
09 de novembro de 2010
A canle Hèm TV arrincou en fase de probas tras a firma dun convenio de colaboración para crear a primeira canle de televisión en aranés.
Fonte: 20 minutos
09 de novembro de 2010
UGT-Madrid e a Universidade de Cambridge asinaron un acordo de colaboración para que os alumnos participantes nos plans de formación do sindicato poidan obter os certificados da lingua inglesa de Cambridge ESOL.
Fonte: Europa Press
09 de novembro de 2010
Trinta e tres localidades galegas acollerán esta semana actividades do programa de dinamización Bocaberta, co que a Secretaría Xeral de Política Lingüística pretende achegar o galego á poboación máis nova.
Fonte: Xunta de Galicia
Boletín
Subscríbase ao boletín
