Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A conselleira de Educación de Castela-A Mancha, María Ángeles García, e o embaixador francés en España, Bruno Delaye, asinaron un convenio que inclúe a mobilidade internacional para profesores, os intercambios de estudantes de formación profesional ou a realización de prácticas en centros de formación ou empresas francesas.
Fonte: ABC
Trátase do quinto volume da colección "Vivir en Cataluña. Aprendemos catalán desde...", que inclúe versións en chinés, árabe, romanés e tamazight. A colección ten como obxectivo proporcionarlles un primeiro contacto coa lingua catalá a persoas de orixe estranxeira.
A Consellería de Educación e Ordenación Universitaria da Xunta de Galicia e a Universidade de Vigo (UVigo) reforzan a súa colaboración a prol da investigación sobre o galego.
Fonte: Xunta de Galicia
O secretario xeral de Política Lingüística, Anxo Lorenzo, incidiu no “importante labor de difusión do galego” levado a cabo pola Asociación Cultural O Brado a través dos Premios San Martiño de Normalización Lingüística.
Fonte: Xunta de Galicia
O director da Axencia Galega das Industrias Culturais, Juan Carlos Fernández Fasero, e o secretario xeral de Política Lingüística, Anxo Lorenzo, participaron en Pontevedra na presentación do programa de actividades profesionais e públicas do Culturgal 2010.
Fonte: Xunta de Galicia
O Goberno de Canadá anunciou un financiamento de 3,6 millóns de dólares para reforzar e promover o uso das dúas linguas oficiais no sistema xudicial.
Fonte: SYS-CON
O conselleiro de Educación e Ordenación Universitaria, Xesús Vázquez Abad, e o secretario xeral de Política Lingüística, Anxo Lorenzo, mantiveron un encontro coa presidenta do Instituto Camões, Ana Paula Laborinho, co fin de traballar no establecemento de mecanismos de colaboración en materia de actividades de formación e promoción da lingua portuguesa.
Fonte: Xunta de Galicia
Un dos máis destacados portais en lingua india do país, OneIndia.in, acaba de anunciar que lanzará o seu contido móbil en cinco idiomas.
Fonte: MobilePhone
Cincuenta profesores impartirán o curso próximo materias en inglés na Universidade de Cantabria (UC), que puxo en marcha un programa de capacitación lingüística para converterse nunha universidade bilingüe que ofreza formación "de excelencia" e compita por captar alumnos estranxeiros.
Fonte: ABC
China está interesada en desenvolver a lingua rusa como materia escolar, segundo afirmou o viceministro de Educación ruso. Ivan Lobanov indicou que China pensa enviar un grupo de directores de escola a Rusia "para intercambiar métodos de ensino da lingua rusa".
Fonte: RIA Novosti
Subscríbase ao boletín
