Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Secretaría Xeral de Política Lingüística publica no Diario Oficial de Galicia a orde pola que se conceden subvencións para a edición en lingua galega de recursos didácticos curriculares para niveis non universitarios. Esta liña de axudas ten como fins prioritarios potenciar a oferta de materiais educativos en galego e favorecer o tecido da industria editorial galega.
Fonte: Xunta de Galicia
O Ministerio de Educación e o Goberno balear subscribiron un convenio de colaboración para o desenvolvemento do programa de inmersión lingüística para mellorar o uso da lingua inglesa entre os alumnos.
Fonte: Europa Press
O Goberno vasco comezou a traducir ao éuscaro e a incorporar ao portal euskadi.net diversos tratados internacionais de dereitos humanos, que ata agora non se atopaban dispoñibles en lingua vasca.
Fonte: Europa Press
O obxectivo é convocar a toda a comunidade galega de usuarios de Twitter entre as 16 e as 17 horas do día 6 de outubro co fin de que envíen entre cinco e dez comentarios sobre a lingua co hashtag: #galega.
Fonte: Código Cero
O Goberno vasco, a proposta do Departamento de Xustiza, aprobou un convenio de colaboración coa entidade pública Red.es para estender este ano as inscricións en éuscaro a todos os rexistros civís delegados nos xulgados de paz do País Vasco.
Fonte: El Correo
Galicia acolle a 260 auxiliares de conversa, a maioría recentemente titulados ou aínda universitarios, que este curso a converten na terceira comunidade con máis docentes deste tipo, por detrás de Madrid e Andalucía.
Fonte: Galicia Hoxe
En plena etapa de rápida extinción de linguas, cando se estima que desaparece unha lingua cada dúas semanas, os lingüistas atoparon un pequeno raio de esperanza: unha lingua antes descoñecida para a ciencia no nordeste da India.
Fonte: USA TODAY
O secretario xeral de Política Lingüística, Anxo Lorenzo, reuniuse co presidente da Asociación Galega de Editores (AGE), Manuel Bragado, no que foi o primeiro encontro desde que este foi elixido para o cargo.
Fonte: Xunta de Galicia
O secretario xeral de Política Lingüística, Anxo Lorenzo, gabou “o importante labor de promoción do galego no ámbito audiovisual” que se leva a cabo a través do OUFF Escola.
Fonte: Xunta de Galicia
A terceira canle de Euskal telebista (ETB3) apúntase ás versións orixinais. A partir do 7 de outubro, os espectadores vascos terán ocasión de gozar con cine en versión orixinal e ademais subtitulado en éuscaro.
Fonte: FormulaTV
Subscríbase ao boletín
