Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno vasco fomentará o uso do éuscaro no ámbito público grazas á posta en marcha do programa 'Kontalaria', que percorrerá a partir do día 2 de outubro unha vintena de municipios e terá como obxectivo paralelo a creación dun conto colectivo.
Fonte: Qué
A primeira ministra de Bangladesh, Sheikh Hasina, quere que o bengalí sexa lingua oficial da ONU co fin de reflectir o gran número de falantes que ten (cerca de 300 millóns), así como su patrimonio literario e histórico.
Fonte: Sify
Os alumnos e os profesores xa se poden rexistrar na Ciberescola da Lingua Portuguesa, unha plataforma interactiva para "avaliar" gramática, expresión escrita ou vocabulario que a finais de ano contará con 1400 exercicios.
Fonte: RTP
Unha nova enquisa de Eurostat, a oficina de estatística da Unión Europea, sobre as competencias lingüísticas autopercibidas de adultos baseadas en resultados do ano 2007 mostra diferenzas significativas no coñecemento de linguas estranxeiras. En canto á porcentaxe de persoas que considera que ten un dominio dun idioma estranxeiro, Letonia sitúase á cabeza cun 55 %, seguida de Eslovenia (45 %), Eslovaquia (44 %) e Lituania (41,6 %).
Fonte: BBN
A Ertzaintza fixo oficial e comezou a estender a todos os seus centros un sistema telefónico de tradución simultánea para atender a cidadáns estranxeiros, despois de comprobar a súa eficacia durante os últimos seis meses, informou o departamento vasco de Interior.
Fonte: Diario Vasco
O primeiro gran banco de datos do español falado estará en internet en 2011, 15 anos despois do nacemento dun proxecto único de cooperación internacional no campo da lingüística, no que participaron 17 países de ambos os lados do Atlántico.
Os Obradoiros dos Axóuxeres chegan á provincia de Pontevedra para achegarlles aos bebés e ás súas familias a lingua galega a través dunha actividade que combina masaxe infantil, música e mais cantigas de arrolo tradicionais.
Fonte: Xunta de Galicia
As Festas dos Axóuxeres despídense en Santiago de Compostela logo de recibir unha excelente acollida por parte das familias no resto de cidades galegas.
Fonte: Xunta de Galicia
Arredor de 5.000 escolares aragoneses estudan catalán este curso, o que supón un incremento de aproximadamente 100 alumnos respecto aos que cursaron o idioma, xa sexa como área ou materia do currículo, o pasado exercicio.
Fonte: El Periódico de Aragón
A Secretaría Xeral de Política Lingüística presentou a Rede de dinamización lingüística no marco dos XII Encontros para a Normalización Lingüística, que organiza o Consello da Cultura Galega.
Fonte: Xunta de Galicia
Subscríbase ao boletín
