O Ministerio turco de Educación, que levaba anos distribuíndolles libros de texto gratuitamente aos alumnos, por vez primeira repartiu de balde libros de texto aos estudantes armenios, unha vez traducidos á súa lingua propia.
Fonte: News.Az
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de setembro de 2010
Na última década, o galego está a conter a súa perda de falantes e estase incrementando o número de persoas bilingües. O crecemento do número de falantes monolingües en castelán estase a frear.
Fonte: Culturagalega.org
23 de setembro de 2010
Taiwán ofrece a súa versión oficial dun programa de aprendizaxe en liña para os caracteres tradicionais chineses e unha versión en inglés para as persoas que non teñan o chinés como lingua materna.
Fonte: Focus Taiwan
22 de setembro de 2010
O Parlamento de Cataluña aprobou a Lei do Occitano (aranés en Arán), que recoñece o aranés como lingua oficial de Cataluña e se compromete a implicarse na protección e difusión da lingua propia do Val de Arán.
Fonte: Europa Press
22 de setembro de 2010
Un experto na lingua maorí afirma que o futuro desta lingua está en perigo, pois a súa investigación mostra que podería desaparecer en 50 anos. Rangi Matamua di que menos neozelandeses falan maorí con fluidez e que a lingua precisa urxentemente de axuda para salvarse.
Fonte: TVNZ
22 de setembro de 2010
O Goberno de Cataluña aprobou outorgar unha subvención dun millón de euros ao Consorcio para a Normalización Lingüística co fin de fomentar a aprendizaxe do catalán entre os inmigrantes.
Fonte: Avui
22 de setembro de 2010
Un libro de estilo axudará a partir de agora aos xuíces a emitir as sentenzas en catalán, xa que durante os últimos anos só se emite neste idioma unha de cada cinco sentenzas.
Fonte: ABC
21 de setembro de 2010
A Comisión Europea organiza un conxunto de actividades con motivo do 26 de setembro, o Día Europeo das Linguas, que se celebra todos os anos. Nesta ocasión o tema central tratará as linguas para a empresa.
Fonte: Europa
21 de setembro de 2010
A ONU debe recoñecer unha das linguas dos países de fala turca como a súa lingua oficial. A poboación total dos países de fala turca xa superou a cifra de 300 millóns de persoas, o que é motivo para que se recoñeza unha das linguas turcas como idioma oficial da ONU.
Fonte: News.Az
21 de setembro de 2010
A Secretaría Xeral de Política Lingüística crea a Rede de dinamización lingüística para promover o galego desde o ámbito local. Esta iniciativa pretende ser un punto de encontro para o traballo conxunto en materia de dinamización lingüística entre a Administración autonómica e a local e ten como fin favorecer que as medidas de fomento do galego cheguen con máis amplitude e eficacia á cidadanía.
Fonte: Xunta de Galicia
Boletín
Subscríbase ao boletín
