Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Concello de Gandía asinou un convenio plurianual coa Fundación Escola Valenciana por valor de 40 000 euros, para catro anos, ata 2014, que garante o financiamento de actividades para o uso da lingua no ámbito educativo e social.
Fonte: Las provincias
O Korrika é unha carreira a favor do éuscaro que percorre o País Vaso. A edición deste 2011, que se realizará do 7 ao 17 de abril, preséntase en Barcelona en forma de mostra cultural que inclúe coloquios, documentais, música e gastronomía. O tema desta edición do Korrika-Barcelona é “O éuscaro e as linguas minoritarias”.
Fonte: El Periódico
Bocaberta leva estes días múltiples actividades de dinamización lingüística polas catro provincias galegas cando se cumpren cinco meses da súa programación de 2010-2011.
Fonte: Xunta de Galicia
Harry Oohsawee espera que as últimas tecnoloxías ofrezan un modo de evitar a desaparición da lingua cheroqui. Con este fin, ofreceu o seu apoio a unha empresa especializada no deseño de aplicacións destinadas á revitalización de linguas nativas norteamericanas.
Fonte: Muskogee Phoenix
Co obxectivo de que non se dean máis casos de discriminación de tipo lingüístico no eido das empresas de telefonía, a Mesa convida os usuarios dos seus servizos en liña a facela partícipe de todo canto caso de desleixo co galego se poida rexistrar.
Fonte: Código Cero
O Teatro Bartrina de Reus será a sede, os días 24 e 25 de marzo, do Convit, o segundo congreso de servizos lingüísticos dos territorios de fala catalá, no que un total de 250 profesionais debaterán sobre lingua e empresa e lingua e inmigración.
Fonte: ABC
A Rede de Dinamización Lingüística conta nestes momentos cun total de 45 concellos adheridos, segundo informou o responsable de Política Lingüística, Anxo Lorenzo.
Fonte: Xunta de Galicia
A Fundación da Lingua de Kadazandusun (KLF) organizará o primeiro seminario da lingua murut que inaugurará un proxecto piloto de tres anos co obxectivo de introducir o ensino desta lingua nas escolas primarias do municipio de Tenom en Malaisia.
Fonte: Daily Express
Un crecente número de lingüistas alemáns teme que a súa lingua estea en perigo de morte ante a riada de anglicismos que están a inundar o vocabulario xermano. A Asociación da Lingua Alemá (VDS) presaxia que o alemán podería converterse nunha lingua "periférica" se non se toman as medidas axeitadas para protexelo contra os préstamos estranxeiros.
Fonte: Guardian
A Secretaría Xeral de Política Lingüística convoca as axudas de 2011 destinadas a fomentar o uso do galego desde o ámbito local. A nova orde de subvencións para as entidades locais publicouse no Diario Oficial de Galicia do 11 de marzo de 2011.
Fonte: Xunta de Galicia
Subscríbase ao boletín
