Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Departamento de Educación convocou axudas por importe de 756.558 euros para a produción de materiais escolares dixitais en éuscaro de niveis non universitarios, co fin de que poidan ser usados polos profesores a través da web "Eskola 2.0".
Fonte: ABC
En outubro os deputados do Parlamento polaco poderán realizar un curso intensivo de inglés e de lexislación europea. O curso ten como obxectivo preparar os deputados para os seis meses de presidencia da Unión Europea que o país asumirá o 1 de xullo de 2011.
Fonte: The News
Un total de 51.900 cataláns poderá apuntarse nalgunha das 42 escolas oficiais de diomas (EOI) da Generalitat de Catalunya. O idioma con máis prazas adxudicadas é o inglés -con 25.470-, seguido polo francés -9.750- e o alemán -7.710-.
Fonte: Europa Press
A área de Éuscaro do Concello de Bilbao enviará cerca de 5.600 folletos informativos a domicilios de familias con fillos nacidos en 2008 e 2009, co obxectivo de "sensibilizar os pais e nais sobre a importancia de fomentar o uso do éuscaro no contorno familiar".
Fonte: Europa Press
O Goberno axudará os residentes estranxeiros a dominar a lingua xaponesa co fin de mellorar a súa calidade de vida. Entre as solucións propostas, o panel suxire mellorar a calidade dos profesores de xaponés e proporcionar formación profesional axustada á competencia lingüística.
Fonte: The Mainichi Daily News
Só o 4 % das páxinas web están escritas en español en internet, pero as previsións son boas debido ao desenvolvemento da sociedade da información que se está producindo en Latinoamérica, segundo o libro Lengua y Tecnologías de la Información y las Comunicaciones.
Fonte: ABC
A aposta polo ensino da lingua portuguesa en Estremadura está a ter resultados. Segundo o Goberno da rexión, os alumnos que estudan portugués superaron por primeira vez os que optan polo francés.
Fonte: Diário de Notícias
O decreto que esixirá ter o nivel C de catalán -que equivale ao dominio da lingua nunha escala entre A e D- aos novos profesores universitarios fixos e aos eventuais que deban renovar os seus contratos aprobarase en plena precampaña electoral en Cataluña.
Fonte: El País
O conselleiro das Comunidades Portuguesas, Pedro Rupio, anunciou que vai comezar unha campaña de promoción do ensino do portugués en Bélxica, co obxectivo de inverter a tendencia anual de diminución do número de alumnos.
Fonte: Observatório do Algarve
A enquisa realizada en liña mostra que o 57 % das persoas maiores de 20 anos non cre que usar o inglés como lingua oficial do traballo sexa unha boa idea, mentres que o 43 % manifestou o seu apoio a esta iniciativa.
Fonte: The Mainichi Daily News
Subscríbase ao boletín
