Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Para acadar unha maior extensión do uso do galego, o ámbito socioeconómico é un piar fundamental. Por iso, a Secretaría Xeral de Política Lingüística está a potenciar a incorporación da lingua propia de Galicia a este sector a través de diversas iniciativas, entre elas, a colaboración con entidades de referencia neste campo.
Fonte: Xunta de Galicia
A nova lei do Código de consumo de Cataluña, que entrou en vigor o 23 de agosto, insta a garantir o acceso de persoas cegas á información sobre bens e servizos, e obriga a incluír o braille na etiquetaxe de produtos que afectan a saúde e a seguridade dos consumidores.
Fonte: Eurocarne Digital
Oito novos colexios impartirán, con carácter experimental, unha segunda lingua estranxeira no terceiro ciclo de educación primaria, mentres que outros cinco institutos de ensino secundario (IES) comezarán a impartir unha terceira lingua estranxeira o próximo curso, catro deles portugués e un alemán.
Fonte: ABC
O Boletín Oficial do Principado de Asturias publicou a resolución da Consellería de Cultura e Turismo do Goberno de Asturias pola que se conceden e denegan subvencións para o fomento da tradución e/ou edición noutras linguas de obras escritas orixinalmente en asturiano ou galego-asturiano.
Fonte: Asturnews
O Ministerio de Educación de Israel está tomando medidas para promover que os nenos xudeus aprendan o árabe, nun intento de mellorar as comunicacións cos árabes israelís, segundo informou o Goberno.
Fonte: The Earth Times
A Secretaría Xeral da Emigración, en colaboración coa Consellería de Educación, a través da Secretaría Xeral de Política Lingüística, vén de poñer en marcha os cursos de galego para galegos residentes no exterior e persoas interesadas en aprender esta lingua.
Uns 4.300 funcionarios madrileños participarán nos dezaoito cursos de lingua estranxeira organizados a través do programa de idiomas do Instituto Madrileño de Administración Pública (IMAP), informou a Comunidade.
Fonte: ABC
O presidente de Mediapro, Jaume Roures, instou a que a Lei do cine aprobada en xullo polo Parlamento catalán incorpore medidas para incentivar o consumo de cine en catalán, entre as que propuxo a creación dunha rede pública de salas de cine e a posibilidade de que as entradas sexan máis baratas.
Fonte: El Mundo
A deputada de Esquerda Unida nas Cortes, Marina Albiol, anunciou que a seva formación solicitará a comparecencia na cámara do conselleiro de Educación, Alejandro Font de Mora, para debater sobre a situación do valenciano.
Fonte: El Punt
A Secretaría Xeral de Política Lingüística outorgou á provincia de Pontevedra máis de 300.000 euros, dos 800.000 destinados a toda Galicia, para o financiamento de proxectos de fomento do uso do galego nos centros públicos de ensino que imparten ensinanza regulada de niveis non universitarios, dependentes da Consellería de Educación e Ordenación Universitaria.
Subscríbase ao boletín
