Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Xogar coas palabras, coa expresión oral, coa creación de suxestivos espazos sonoros e, sobre todo, dinamizar o uso do galego entre a mocidade amesá a través da reflexión colectiva sobre a realidade sociolingüística son os obxectivos do Concurso de Teatro Radiofónico Lido.
Fonte: Concello de Ames
O programa de dinamización lingüística Bocaberta visita nos próximos días 24 concellos para achegarlles a lingua galega aos máis novos a través das actividades máis divertidas.
Fonte: Xunta de Galicia
Arredor dunha decena de linguas nativas están en perigo de desaparición ou nun estado crítico en Arxentina e os expertos, os organismos oficiais e as comunidades deben tomar medidas innovadoras para parar esta tendencia, alertou a Unesco.
Fonte: Tucumán Noticias
En Cantabria, A Rioxa, Castela-A Mancha ou Canarias non hai un só centro académico que imparta cursos de galego, catalán e vasco e fóra dos seus respectivos ámbitos lingüísticos a oferta educativa segue a ser moi limitada. Outros países parecen máis conscientes da realidade plurilingüe de España, xa que neles a oferta é relativamente máis alta.
Fonte: Público
O Tribunal Supremo desestimou o recurso contencioso-administrativo presentado pola Generalitat de Cataluña para que o coñecemento da lingua cooficial dunha comunidade autónoma sexa un mérito “determinante” no nomeamento de membros substitutos do Ministerio Fiscal.
Fonte: 20 minutos
O pleno do Parlamento de Navarra rexeitou a toma en consideración dunha proposición de lei foral de normalización do éuscaro en Navarra, presentada por Nafarroa Bai, que propuña derrogar a normativa vixente e estender a oficialidade do éuscaro en toda a Comunidade foral.
Fonte: Europa Press
A Xunta de Galicia promove a educación en valores a través do potencial educativo do deporte coa mostra Educación, deporte e valores que foi presentada no CEP Salustiano Rey Eiras, da Pobra do Caramiñal.
Fonte: Xunta de Galicia
A lingua galega amplía a súa presenza no ámbito das tecnoloxías da información e da comunicación. Faino a través das versións dos últimos produtos tecnolóxicos para traballar e vivir en galego: Windows7, Office 2010, Dynamics CRM e Sharepoint.
Fonte: Xunta de Galicia
O conselleiro de Educación e Ordenación Universitaria, Xesús Vázquez, e o presidente da Deputación de Ourense, José Luis Baltar, presiden o luns 21 de febreiro o acto de conmemoración do Día Internacional da Lingua Materna no Centro Cultural da Deputación ourensá.
Fonte: Xunta de Galicia
Estudos recentes elaborados na Universidade Estatal de Pensilvania (EUA) demostran que os falantes bilingües avantaxan as persoas que só falan unha lingua nalgunhas habilidades mentais, como por exemplo a capacidade de ignorar datos irrelevantes para concentrarse na información esencial.
Fonte: Bloomberg Businessweek
Subscríbase ao boletín
