Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    18 de marzo de 2009

    En 2013, cando vexa a luz a vixésimo terceira edición do dicionario da Real Academia Española (RAE), "tonto" xa non será sinónimo de "galego". Dentro dun par de meses, na páxina de internet (www.rae.es) xa se indicará que o artigo está emendado.

    Fonte: El País

    18 de marzo de 2009

    O Goberno vasco en funcións aprobou, na súa reunión semanal, unha subvención de 5,6 millóns para euscaldunizar docentes dos colexios privados.

    Fonte: El Correo Digital

    18 de marzo de 2009

    O Comité de Ministros do Consello de Europa publicou o luns 16 de marzo o segundo informe sobre a situación das linguas rexionais de Austria. Este informe foi elaborado por un comité de expertos independentes que supervisa a aplicación da Carta Europea das Linguas Rexionais ou Minoritarias.

    Fonte: Eurolang

    18 de marzo de 2009

    Un requisito para ingresar como sacerdote do seminario de San Cristóbal será falar polo menos unha lingua indíxena, pois a maioría da poboación da diocese pertence a algunha etnia.

    Fonte: La Jornada

    17 de marzo de 2009

    A terceira edición do concurso por internet Lingua de @mor, organizado polo Consello da Xuventude de Galicia e o Servizo de Normalización Lingüística do Concello vigués, premiará as mellores cancións e declaracións de amor escritas en galego.

    Fonte: Galicia Hoxe

    17 de marzo de 2009

    A pesar da súa importancia económica, as principais empresas do sector téxtil de Galicia non inclúen a lingua galega nas súas páxinas web. A meirande parte delas son bilingües en castelán e inglés.

    Fonte: Vieiros

    17 de marzo de 2009

    A canle francófona internacional TV5Monde anunciou o lanzamento dun servizo de internet de lingua francesa gratuíto para o teléfono móbil destinado a aprender este idioma de xeito lúdico.

    Fonte: AFP

    17 de marzo de 2009

    A entidade de Aeroportos Españois e Navegación Aérea (Aena) responsabilizou as compañías aéreas da ausencia do catalán no uso da toponimia no Aeroporto de El Prat (Barcelona) alegando que a información se dá "de acordo con criterios establecidos polas propias compañías aéreas".

    Fonte: Europa Press

    17 de marzo de 2009

    Esquerra Republicana defende ante o Pleno do Congreso unha moción coa que persegue que a Cámara mostre o seu apoio ao modelo lingüístico catalán e inste o Goberno a presentar, no prazo dun mes, un calendario concreto para conseguir a plena normalización do uso das linguas cooficiais en toda a Administración Xeral do Estado ao longo desta lexislatura.

    Fonte: Europa Press

    17 de marzo de 2009

    A Asemblea Xeral da Coordinadora de Traballadores/as de Normalización da Lingua (CTNL) acordou traballar co conxunto do movemento normalizador para renovar e actualizar o argumentario de defensa e promoción da lingua galega e para que o futuro goberno galego recúe nas súas anunciadas intencións de paralizar diversos proxectos de importancia para a normalización lingüística.

    Boletín

    Subscríbase ao boletín

    Logo Feder