Información do día a día do galego e outras linguas

Novas

 

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas. 

    13 de marzo de 2009

    O PP de Cataluña opta por establecer a dobre rede lingüística de escolarización -que lles permita aos pais escoller entre o catalán e o castelán como lingua vehicular das clases- na proposición de lei de educación que rexistrou no Parlamento, que quere ser unha alternativa á elaborada polo conselleiro Ernest Maragall.

    Fonte: Avui

    13 de marzo de 2009

    A Subsecretaría de Educación Básica ten lista a proposta curricular para crear a materia de lingua indíxena en primaria, co que, por primeira vez, as linguas dos pobos indios terán recoñecemento oficial non só no boletín de cualificacións, senón nos plans e programas de estudo do devandito nivel de ensinanza.

    Fonte: La Jornada

    12 de marzo de 2009

    A secretaria xeral de Política Lingüística, Marisol López, defendeu as “vantaxes” que reporta para a cohesión e a integración a diversidade lingüística e cultural e puxo a Unión Europea como exemplo dun “panorama en positivo de concordia, de defensa das singularidades e de reforzamento dos lazos comúns”.

    Fonte: Xunta de Galicia

    12 de marzo de 2009

    A Escola de Maxisterio incluirá na proposta de plans de estudo adaptados á reforma europea unha mención para o asturiano dentro do grao de mestre de Primaria.

    Fonte: La Voz de Asturias

    12 de marzo de 2009

    A eurodeputada do Partido Socialista de Cataluña, María Badia, presentou unha resolución no Parlamento Europeo en defensa do modelo lingüístico catalán. O texto pretende ser unha alternativa ao 'Informe sobre o Multilingüismo' que aprobou a comisión de cultura en febreiro, e que entraba en contradición co modelo de inmersión lingüística vixente en Cataluña.

    Fonte: Europa Press

    12 de marzo de 2009

    A ministra de Administracións Públicas, Elena Salgado, asegurou no Congreso que o Goberno quere “culminar” este ano a adaptación ás linguas cooficiais das páxinas web de todos os ministerios e dos organismos públicos dependentes, así como todos os impresos e formularios.

    Fonte: La Voz de Barcelona

    12 de marzo de 2009

    A famosa aria "Habanera" da opera Carmen do compositor francés Georges Bizet foi gravada en Chile por primeira vez en mapudungun, a lingua dos indíxenas mapuche, coa idea de revitalizar unha cultura cuxas tradicións se foron perdendo no país.

    Fonte: Reuters

    12 de marzo de 2009

    O Concello de Barcelona incorporouse no proxecto de Linguamón – Casa das Linguas mediante a cesión de 7.000 metros cadrados da antiga fábrica de Can Ricart.

    Fonte: Linguamón

    11 de marzo de 2009

    Créase un novo portal de internet que aglutina diferentes organizacións que pretenden normalizar a situación do galego en diferentes ámbitos, moitos deles inéditos. O seu nome é Galeguizar Galicia.

    Fonte: Vieiros

    11 de marzo de 2009

    En 1997 había aínda 246 000 falantes de bretón, pero dez anos despois este número diminuíu. Ademais, entre os que empregan esta lingua, o 70 % ten máis de 60 anos, polo que o futuro do idioma pasa pola xente nova.

    Fonte: Ouest-France

    Boletín

    Subscríbase ao boletín

    Logo Feder