Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Logo do seu paso polas cidades da Coruña, de Vigo e de Lugo durante o mes de abril, o V Seminario de Dinamización Lingüística no Ensino retomou a súa programación nas cidades de Santiago de Compostela, de Ferrol, de Pontevedra e de Ourense.
Fonte: Xunta de Galicia
As actividades que actualmente se están a realizar desde os centros educativos para fomentar o uso da lingua galega incrementaron a súa calidade respecto do pasado curso escolar.
Fonte: Xunta de Galicia
Un total de dez centros de educación secundaria obrigatoria (ESO) da Comunidade Valenciana está participando nun programa experimental consistente en impartir un curso de lingua e cultura chinesas para os alumnos de 3º e 4º.
Fonte: 20 minutos
O mantemento do portugués como lingua oficial de Timor-Leste está sendo nos últimos meses cuestionado por «varias voces» da sociedade timorense. Na base das críticas están argumentos como a distancia xeográfica que separa o país de calquera dos seus socios da Comunidade de Países de Lingua Portuguesa (CPLP) e o feito de que gran parte da poboación entende as linguas dos dous principais países veciños (malaio indonesio e inglés).
Fonte: Ibinda
A sección primeira da sala do contencioso-administrativo do Tribunal Superior de Xustiza de Galicia desestima o recurso dun home que esixiu a Tráfico poder facer en galego o exame para o permiso de moto.
Fonte: La Voz de Galicia
A directora xeral de Política Lingüística do Goberno asturiano, Consuelo Vega, cuestionou nunha entrevista que exista unha "maioría suficiente" para solicitar a oficialidade do asturiano na próxima reforma do Estatuto de Autonomía.
Fonte: 20minutos
Poñer en valor a lingua dos pobos excluídos de Perú é o obxectivo do dicionario en seis idiomas, quechua, aimará e outras catro linguas (inglés, alemán, francés e español), que foi presentado en Lima (Perú).
Fonte: La República
A Plataforma pola Lingua explicou que, en quince días de campaña durante o mes de febreiro, recibiu 8.000 queixas de cidadáns contra a discriminación da lingua catalá no cine.
Fonte: Móndivers
A Deputación Provincial de Lugo e a Secretaría Xeral de Política Lingüística iniciaron os primeiros contactos para establecer unha colaboración na promoción do uso da lingua galega desde o ámbito local.
Fonte: Xunta de Galicia
Un total de 71 consistorios dos 542 existentes nas comarcas valencianas loita nas súas oficinas de promoción do valenciano con desigual éxito. O Consello da Generalitat Valenciana comprometeuse a impulsar oficinas en municipios de máis de 5.000 habitantes.
Fonte: Levante
Subscríbase ao boletín
