A Real Sociedade de Fútbol e a Deputación Foral de Guipúscoa pecharon un acordo de patrocinio para a promoción do éuscaro.
Fonte: EiTB
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de maio de 2010
03 de maio de 2010
Euskaltzaindia, a Real Academia da Lingua Vasca, presentou en Bilbao os dous primeiros tomos do Atlas de las variedades locales del euskera-Euskararen Herri Hizkeren Atlasa (EHHA), amplo traballo no que se recolle material escrito e sonoro obtido durante a investigación do éuscaro dialectal oral levada a cabo entre 1987 e 1992 en 145 municipios euscaldúns.
Fonte: Noticias de Navarra
03 de maio de 2010
O Ministerio de Linguas Nacionais e Integración Social de Sri Lanka adoptou medidas para executar un novo programa que ten como obxectivo ensinar tres linguas (cingalés, támil e inglés) a 1,2 millóns de empregados do sector público.
Fonte: Colombo Page
03 de maio de 2010
Un novo encontro con empresarios para animalos a incorporar a lingua galega nos usos comerciais foi apadriñado a pasada fin de semana polo Foro Enrique Peinador.
Fonte: Vieiros
03 de maio de 2010
As linguas indíxenas de British Columbia están en perigo de desaparición, dado que o número de persoas que as falan con fluidez está diminuíndo, e os programas lingüísticos escolares e comunitarios loitan por mantelas vivas, segundo afirma un novo informe.
Fonte: The Globe and Mail
03 de maio de 2010
A Secretaría Xeral de Política Lingüística e a Dirección Xeral de Xustiza avanzan na capacitación en galego do funcionariado a través dun acordo de colaboración que promove a oferta formativa nesta lingua entre o persoal da Administración de Xustiza.
Fonte: Xunta de Galicia
03 de maio de 2010
O secretario xeral de Política Lingüística, Anxo Lorenzo, e o decano do Colexio de Avogados de Santiago de Compostela, Evaristo Nogueira, amosaron o seu interese por seguir impulsando conxuntamente o uso do galego no ámbito xudicial.
Fonte: Xunta de Galicia
30 de abril de 2010
O pleno do Parlamento de Navarra rexeitou unha moción de NaBai que lle pedía á Cámara que declarase a súa vontade de garantir o dereito dos pais a elixir o modelo lingüístico educativo para os seus fillos e instase o Goberno a promover iniciativas e recursos para o modelo D.
Fonte: Diario de Navarra
30 de abril de 2010
Bernat Joan, secretario de Política Lingüística e presidente do Consorcio para a Normalización Lingüística; Iolanda Pineda, alcaldesa de Salt, e Francesc Triola, director xeral de COMRàdio, presentaron en Salt o curso de catalán inicial para radio Onescat.
30 de abril de 2010
A Comisión de Políticas Integrais da Discapacidade do Congreso aprobou por unanimidade unha proposición non de lei pola que insta o Goberno español a adaptar ao braille a etiquetaxe dos produtos farmacéuticos para garantir a súa accesibilidade e a establecer un réxime sancionador que asegure a súa aplicación.
Fonte: Europa Press
Boletín
Subscríbase ao boletín
