Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Esquerra Republicana (ERC) reactivará proximamente no Congreso a súa reivindicación sobre o uso das linguas cooficiais na Cámara Baixa tras admitirse a trámite unha proposta neste sentido no Senado a instancias do seu partido, adscrito ao grupo Entesa Catalana del Progrés (PSC, ERC e ICV).
Fonte: Galicia Hoxe
Estender a promoción do galego a todo o territorio de Galicia. Ese é o obxectivo fundamental no que se enmarca a nova orde de subvencións que vén de publicar a Secretaría Xeral de Política Lingüística para fomentar o uso do galego desde o ámbito local.
Fonte: Xunta de Galicia
O Goberno de Navarra e a Real Academia da Lingua Vasca-Euskaltzaindia prorrogaron o convenio de colaboración entre ambas as institucións para 2010, segundo o cal o Executivo foral destinará 149.000 euros para financiar as actividades referentes ao éuscaro que a academia desenvolve en Navarra.
Fonte: 20minutos
A manifestación que o vindeiro sábado 15 de maio reivindicará polas rúas de Pamplona o dereito a vivir en éuscaro na Comunidade Foral segue recibindo apoios procedentes de todos os ámbitos da sociedade navarra.
Fonte: Noticias de Navarra
As bases da convocatoria de prácticas de dous anos no ente público sitúan a lingua propia como un mérito máis, á altura das linguas estranxeiras.
Fonte: Vieiros
As linguas cooficiais tratan de gañar espazo nas Cortes Xerais. O Senado converteuse no primeiro obxectivo. O pleno da Cámara Alta aprobou unha proposta para estudar a reforma do seu regulamento e xeneralizar o uso do galego, o catalán, o éuscaro e o valenciano. A iniciativa contou coa oposición do PP e da única senadora de UPN.
Fonte: Faro de Vigo
O catálogo en papel e a páxina web da tenda coruñesa de Ikea, que abrirá as súas portas o vindeiro 20 de xullo, contarán con versións en galego, segundo confirmaron fontes da empresa.
Fonte: Xornal de Galicia
O sindicato Unitario e Autónomo de Traballadores do Ensino de Asturias (Suatea) culpou a Consellería de Educación de eludir o seu compromiso de garantir que a lingua asturiana se imparta en educación infantil. Suatea denunciou que só o 13 % dos alumnos de infantil recibe ensinanzas de asturiano, mentres que en primaria esa proporción sobe ao 55 %.
Fonte: La Voz de Asturias
Linguamón–Casa das Linguas presenta Mapas Vivos, unha ambiciosa iniciativa creada coa última tecnoloxía cartográfica e multimedia para coñecer de cerca a diversidade lingüística do mundo.
Fonte: Linguamón
Os datos da Estatística da Acción Educativa no Exterior 2009-2010, publicada recentemente polo Ministerio de Educación, revela que a aprendizaxe do español creceu especialmente no Reino Unido, Francia e Alemaña na última década.
Fonte: La Información
Subscríbase ao boletín
