O ministro timorense de Educación afirma que é preciso máis apoio do Estado portugués ao ensino da lingua portuguesa.
Fonte: Renascença
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
19 de abril de 2010
O feito de compartir fronteira e de que unha alta porcentaxe dos inmigrantes que residen en Castela e León procedan de Portugal levou a que a Consellería de Educación decidise promover o estudo da lingua portuguesa como segundo idioma estranxeiro no terceiro ciclo de primaria e con opcións de convertela no primeiro.
Fonte: Diario de Burgos
19 de abril de 2010
Ata 80.000 alumnos máis de infantil e primaria estudarían en valenciano se houbese oferta suficiente
Un 44 % dos centros da Comunidade Valenciana ofrecen este curso a posibilidade de estudar nos programas de ensino en valenciano, unha cifra que "non se corresponde" coas peticións reais. De feito, se a oferta se equipara á demanda, entre 60.000 e 80.000 alumnos máis de infantil e primaria poderían cursar os seus estudos nesta lingua, segundo as estimacións realizadas por Escola Valenciana.
Fonte: 20minutos
19 de abril de 2010
O Parlamento e a Comisión Europea consideran que a profesión de intérprete ten futuro e por iso iniciaron unha campaña para concienciar a xente nova para que se formen neste ámbito, que contará cun 18 % de profesionais nos próximos quince anos.
Fonte: Cinco Días
19 de abril de 2010
O conselleiro de Educación e Ordenación Universitaria, Xesús Vázquez, e o secretario xeral de Política Lingüística, Anxo Lorenzo, participaron en Ribadavia na presentación das bases do V Premio Abrente de Textos Teatrais, un certame que busca incentivar a creación dramática en lingua galega.
Fonte: Xunta de Galicia
19 de abril de 2010
A Secretaría Xeral de Política Lingüística colabora na presentación, por primeira vez en Galicia, do proxecto EuroCom, que organiza a Facultade de Filoloxía da Universidade de Santiago de Compostela. Trátase dun método que favorece a aprendizaxe simultánea de linguas da mesma familia aproveitando as similitudes entre elas.
Fonte: Xunta de Galicia
19 de abril de 2010
O secretario xeral de Política Lingüística, Anxo Lorenzo, animou os máis novos a seguir lendo en lingua galega durante a entrega dos Premios Frei Martín Sarmiento, que tivo lugar no recinto feiral de Silleda no marco da Festa da Lingua.
Fonte: Xunta de Galicia
16 de abril de 2010
O presidente do Consello Executivo de Córsega, Paul Giacobbi, e o do Centro Nacional da Función Pública Territorial, François Deluga, asinaron unha carta para o desenvolvemento da práctica da lingua corsa.
Fonte: Le Figaro
16 de abril de 2010
A Deputación da Coruña convocou un certame para premiar as institucións, persoas e empresas que poñan en marcha iniciativas para fomentar o uso do galego.
Fonte: La Opinión de A Coruña
16 de abril de 2010
Máis de 40.000 alumnos de centros educativos de toda Galicia percorrerán as rúas de 14 comarcas nunha serie de carreiras que se celebrarán no marco do Correlingua 2010, unha proposta lúdico-festiva impulsada desde o curso 2000-2001 co fin de que os estudantes reivindiquen o seu "dereito a vivir en galego".
Fonte: Qué!
Boletín
Subscríbase ao boletín
