A Real Academia da Lingua Vasca, Euskaltzaindia, ofrece na súa páxina web un Dicionario Unificado Documentado (Hiztegi Batu Oinarriduna) e un Observatorio do Léxico (Lexikoaren Behatokia) en éuscaro.
Fonte: El Mundo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de marzo de 2010
24 de marzo de 2010
O informático asturiano Mikel González creou Ximielga.me, a primeira rede social en asturiano, que aspira a converterse nunha práctica ferramenta para "compartir información e contidos de todo tipo".
Fonte: EFE
24 de marzo de 2010
O presidente da Confederación Estatal de Persoas Xordas (CNSE), Luis Cañón, denunciou o "escaso desenvolvemento" da Lei da lingua de signos e medios de apoio á comunicación oral, desde a súa aprobación, hai xa máis de dous anos.
Fonte: La Información
24 de marzo de 2010
O vicepresidente primeiro da Generalitat Valenciana, Vicente Rambla, esixiulle ao Goberno central que recoñeza o valenciano que defende o Estatuto de Autonomía desta comunidade, tras coñecer que o Executivo estatal "está traducindo o Tratado de Lisboa ás linguas cooficiais obviando unha vez máis a existencia do valenciano".
Fuente: Europa Press
24 de marzo de 2010
O secretario xeral de Política Lingüística, Anxo Lorenzo, participou na investidura de doutor honoris causa do catedrático emérito de Literatura Galega Xesús Alonso Montero, que tivo lugar no marco das celebracións do Día da UNED.
Fonte: Xunta de Galicia
23 de marzo de 2010
A ministra de Educación de Portugal, Isabel Alçada, considera que non existe «unha solución única» para promover a lingua portuguesa no mundo, e defende o intercambio de ideas nun traballo «en conxunto» da comunidade de países implicados.
Fonte: Diário Digital
23 de marzo de 2010
O ministro de Educación, Ángel Gabilondo, expresou o seu "respecto" ante as decisións da Xunta sobre o idioma como parte do "seu autogoberno" pero pediu que non se utilicen "como arma arreboladiza as linguas" e que "non se adopte medida ningunha que poña en cuestión" a convivencia.
Fonte: 20minutos
23 de marzo de 2010
Nafarroa Bai esixiulle ao Goberno foral a implantación do modelo D na rede pública de toda Navarra e reivindicou o "dereito das familias a elixir en liberdade" o modelo lingüístico para os seus fillos.
Fonte: Noticias de Navarra
23 de marzo de 2010
O Plan de plurilingüismo de Castela-A Mancha facilitará que todos os alumnos e alumnas que estudan na rexión dominen polo menos unha lingua estranxeira, preferentemente o inglés, e ofrecerá oportunidades de formación en idiomas a toda a cidadanía en xeral a través de diferentes iniciativas.
Fonte: Qué!
23 de marzo de 2010
Cerca dun centenar de persoas fixo público un manifesto, impulsado por Euskararen Gizarte Erakunden Kontseilua, no que piden que se respecte o seu "dereito a vivir en éuscaro en Navarra". Este será, precisamente, o lema da manifestación que convocaron para o próximo día 15 de maio en Pamplona.
Fonte: Noticias de Navarra
Boletín
Subscríbase ao boletín
