Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Os departamentos de policía en Estados Unidos intensifican os seus esforzos para recrutar axentes que falen un segundo idioma, ademais do inglés, e en algúns casos ofrecen maior paga e viaxes ao estranxeiro como parte de programas de inmersión noutras linguas.
Fonte: Univisión
O dilema pola incorporación de novas palabras ao español aumenta ante a avalancha de neoloxismos e termos xerados polo uso de internet e, máis recentemente, o código escrito do servizo de mensaxe curta utilizado pola xuventude mediante os teléfonos móbiles.
Fonte: Diario de Yucatán
Os dous grupos da oposición parlamentaria pronunciáronse radicalmente en contra do anteproxecto do decreto que regulará o uso do galego nas aulas, presentado polo conselleiro de Educación, Jesús Vázquez, e que consuma a decisión salomónica de impartir en castelán as materias troncais de Matemáticas, Física e Química ou Tecnoloxía, tanto en primaria como en secundaria, mentres que o galego quedaría reservado para Coñecemento do Medio, Historia e outras ciencias sociais.
A Secretaría Xeral de Política Lingüística da Consellería de Educación e Ordenación Universitaria vén de organizar unha xornada formativa para reforzar a preparación do seu profesorado colaborador.
Fonte: Xunta de Galicia
O conselleiro de Educación e Ordenación Universitaria, Xesús Vázquez, e o secretario xeral de Política Lingüística, Anxo Lorenzo, presentaron en rolda de prensa o borrador do proxecto do decreto do plurilingüismo no ensino non universitario, un texto que “garante o equilibrio entre as dúas linguas oficiais de Galicia e dá entrada a unha terceira lingua”, segundo indicou o máximo responsable de Educación do Goberno galego.
Fonte: Xunta de Galicia
“O labor da Secretaría Xeral de Política Lingüística na xestión e posta en práctica de todas as súas liñas de actuación parte da procura do consenso e da máxima aceptación social”. Así o afirmou o responsable do departamento, Anxo Lorenzo, durante a súa intervención nas II Xeiras sobre a Lingua organizadas pola Universidade de Vigo.
Fonte: Xunta de Galicia
A conselleira de Cultura, Blanca Urgell, explicou no Parlamento vasco que o Goberno constituíu "un grupo de traballo interdepartamental" que analiza as esixencias lingüísticas para acceder a unha praza de funcionario.
Fonte: El Mundo
O PSE e o PP rexeitan que o centro territorial de Radio Televisión Española utilice a lingua vasca nas súas desconexións. Na actualidade a televisión pública emite media hora diaria de programación propia en Euskadi.
Fonte: Noticias de Álava
O Consell aprobou protocolos de colaboración entre a Consellería de Educación, a Academia Valenciana da Lingua e os concellos de Carlet, Manises e Massamagell (Valencia) para a coordinación das actuacións en materia de normalización do valenciano.
Fonte: Europa Press
Só un de cada tres españois di ser quen de falar e escribir un idioma estranxeiro, segundo os resultados dunha enquisa realizada polo Centro de Investigacións Sociolóxicas (CIS).
Fonte: Lainformacion.com
Subscríbase ao boletín
