Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Segundo informou o Servizo Vasco de Saúde nun comunicado desta forma quérese facer fronte á crecente presenza nos servizos asistenciais de inmigrantes e turistas estranxeiros que non coñecen ningunha das dúas linguas oficiais da comunidade.
Fonte: ABC
A canle TVisual será a primeira en propoñer todas as súas emisións en modo bilingüe lingua de signos e francés oral. Poderase ver proximamente en internet.
Fonte: Audition-infos
Furmientu solicitou formalmente a tradución do Estatuto de Autonomía de Castela e León ao asturiano e ao galego, “linguas recoñecidas oficialmente por ese texto legal”.
Fonte: Asturies.com
O Parlamento de Galicia defendeu o "acceso universal" ao braille como "un dereito" das persoas cegas e unha fórmula para "erradicar" o analfabetismo, reclamando, ao tempo, que todos os integrantes deste colectivo poidan educarse e acceder á cultura a través do seu propio sistema de lectoescritura.
Fonte: Europa Press
O Instituto Cervantes ofrece unha exhaustiva mostra audiovisual da lingua española en todo o mundo a través do seu 'Catálogo de voces hispánicas' que pode consultarse no Centro Virtual Cervantes.
Fonte: Europa Press
A directora do Instituto Internacional da Lingua Portuguesa (IILP), a angolana Amélia Mingas, criticou en Lisboa os Estados membro da Comunidade de Países de Lingua Portuguesa (CPLP) pola falta dunha política común acerca da lingua portuguesa.
Fonte: Agência AngolaPress
A Secretaría Xeral de Política Lingüística reivindica o Plan xeral de normalización da lingua galega (PXNL) como 'documento de referencia' na acción en materia idiomática da Xunta no ano 2009, ademais de destacar que 'máis de 100' actuacións levadas a cabo se enmarcan na devandita planificación, que inclúe un total de 445 medidas.
Fonte: A Nosa Terra
A plataforma "Sí al valencià", integrada por cen colectivos, esíxelles ás Cortes valencianas que inclúan o dominio da lingua para traballar na Administración. Todos os sindicatos e os partidos, agás o PP, adhírense á iniciativa.
Fonte: Levante
A Asemblea Nacional Lexislativa de Ecuador presentou a nova Constitución do país, aprobada en setembro de 2008, traducida ao idioma quechua, no marco dunha disposición da propia Carta Magna sobre o proceso de inclusión das etnias indíxenas do país.
Fonte: EFE
China creará unha base de datos sonora de todas as linguas e dialectos do país, para o que recolle gravacións e vídeos de persoas de diferentes etnias. O obxectivo desta base de datos é protexer a riqueza lingüística do país.
Fonte: Diario de Yucatán
Subscríbase ao boletín
