Os expertos da lingua tártara de Crimea aprobaron a decisión de deixar de utilizar o alfabeto cirílico e volver ao alfabeto latino, segundo informa o Servizo Tatar-Bashkir de RFE/RL.
Fonte: RFE/RL
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de febreiro de 2010
Tíralle da lingua é un proxecto da Asociación Socio-Pedagóxica Galega (AS-PG), dirixido ao alumnado e profesorado de toda Galicia, cos obxectivos de normalizar o uso oral do galego, de converter este idioma en instrumento de comunicación normal, de creación e recreación de historias etc.
Fonte: CTNL
17 de febreiro de 2010
A entrada en vigor desta lei ampliou a degradación, xa antiga, das relacións entre os dous veciños. Aplicada desde xaneiro, limita a utilización do húngaro na vida pública, pero para os eslovacos trátase simplemente de protexer a lingua e os intereses nacionais cando esta se fale ou se escriba.
Fonte: Hu-lala
17 de febreiro de 2010
O grupo municipal do BNG insta o rexedor ferrolán, o socialista Vicente Irisarri, a que aplique o regulamento de normalización lingüística na empresa municipal de augas Emafesa.
Fonte: La Voz de Galicia
17 de febreiro de 2010
Un total de 104 familias vascas solicitou matricular os seus fillos de dous ou tres anos en lingua castelá en colexios que non ofertan o modelo A. Trátase de datos provisionais pero, segundo confirmaron fontes do Departamento de Educación, ningún centro educativo da comunidade autónoma, xa sexa público ou concertado, alcanza a cifra de referencia de 20 solicitudes que permitiría a apertura de novas aulas en español.
Fonte: Diario Vasco
16 de febreiro de 2010
A Oficina de Software Libre da Universidade de Santiago de Compostela informa que tras mes e medio de traballo remataron a revisión da localización da vindeira versión do contorno de escritorio GNOME 2.30.0, previsto para o 31 de marzo.
Fonte: Código Cero
16 de febreiro de 2010
As rapazas e os rapaces de 14 e 15 anos de Santiago de Compostela atoparán enriba dos seus pupitres un convite para unha cita a cegas, co lema "Ven e namórate da lingua!". Esta campaña de promoción do galego do Concello de Santiago aproveita a data do 14 de febreiro para promover a afectividade dos/as escolares coa lingua galega.
Fonte: CTNL
16 de febreiro de 2010
O pleno do Parlamento de Navarra aprobará o xoves día 18 de febreiro, na primeira sesión plenaria do novo curso, a modificación da Lei do éuscaro, presentada por Esquerda Unida de Navarra (IUN), e que amplía a zona mixta a Aranguren, Belascoáin, Noáin e Galar.
Fonte: Diario de Navarra
16 de febreiro de 2010
O ensino en éuscaro na Comunidade Foral mantén o seu espazo tanto nos centros públicos como nas ikastolas, como reflicten os datos provisionais de prematrícula. O ensino nesta lingua manterá o número de aulas en Navarra, se ben os movementos demográficos provocarán que algúns centros públicos perdan alumnado.
Fonte: Noticias de Navarra
16 de febreiro de 2010
A sala de goberno do Tribunal Superior de Xustiza de Cataluña aprobou por unanimidade un acordo que lles lembra a xuíces e maxistrados "as súas obrigas como garantes dos dereitos das partes procesuais nos casos en que se exerceu o dereito dunha opción lingüística".
Fonte: Avui
Boletín
Subscríbase ao boletín
