Vigo acolle un curso de comunicación en lingua galega organizado por Cogami que ten como obxectivo mellorar as competencias que faciliten o acceso ao mercado laboral dos seus usuarios.
Fonte: Faro de Vigo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de agosto de 2024
22 de agosto de 2024
Un 83 % dos municipios que integran o territorio do Friúl, no norte de Italia, conta con sinais viarios en versión bilingüe italiano-friulano.
Fonte: Il País
22 de agosto de 2024
A cidade norteirlandesa de Derry acollerá o Féile le Chéile, o festival que pretende promocionar a lingua e cultura gaélicas. Na edición deste ano ofrécense actividades para mellorar ou aprender a lingua vernácula e desfrutar de música tradicional irlandesa.
Fonte: Derry Now
21 de agosto de 2024
O Goberno de Letonia comezou a supresión do ruso como lingua de instrución no currículo das escolas. Esta medida responde ao obxectivo de reducir a influencia de Rusia na sociedade letoa.
Fonte: KOHA
21 de agosto de 2024
O Goberno de Aragón está reconsiderando a súa proposta de eliminar o recoñecemento oficial do catalán e do aragonés como linguas propias e xa non xulga prioritario modificar a normativa que incluía este recoñecemento.
Fonte: Diari de la Llengua
21 de agosto de 2024
A vicelehendakari primeira e conselleira de Cultura e Política Lingüística do Goberno vasco anunciou que, a partir de setembro, as clases do nivel A1 de éuscaro serán gratuítas en todos os euskaltegis para facilitar o acceso a esta lingua. Destacou a importancia da súa promoción en ámbitos máis amplos, como o laboral e o ocio.
Fonte: Barakaldo Digital
20 de agosto de 2024
A ministra de Educación de Estonia prevé un endurecemento da política lingüística para garantir que a lingua estoniana se empregue en todas as institucións públicas e que cada vez máis traballadores e traballadoras melloren o seu dominio da lingua vernácula.
Fonte: Estonian World
20 de agosto de 2024
O número de estudantes norteirlandeses que realizan o exame de acceso á universidade en gaélico irlandés incrementouse nesta última convocatoria respecto a cifras do ano pasado. O gaélico é a segunda lingua diferente do inglés máis empregada despois do español.
Fonte: The Irish News
20 de agosto de 2024
En xullo, aprobouse o novo Plan estratéxico de normalización do uso do éuscaro 2023-2027 da Deputación Foral de Áraba, co obxectivo de incrementar o uso do éuscaro como lingua de servizo e de traballo. O plan destaca a baixa competencia neste idioma entre os responsables políticos arabeses e busca que o 40 % deles poidan escribir en éuscaro.
20 de agosto de 2024
A Concellería de Cultura de Cambados prepara un novo evento chamado Urban Feira, que se celebrará entre o 30 de agosto e o 1 de setembro, sen revelar aínda o programa completo. Unha das actividades confirmadas é unha competición clasificatoria da liga de rap improvisado en galego, CeibaRimas, que permitirá ao gañador acceder á final do 12 de outubro en Pontevedra.
Boletín
Subscríbase ao boletín
