Un informe presentado no National Eisteddfod alerta de que cómpre un "cambio radical" para deter o declive do galés e propón unhas 60 medidas para fortalecer esta lingua, como crear políticas específicas en áreas con alta densidade de falantes ou que vinculen o idioma con outros temas, como a vivenda. O informe, encargado polo Goberno de Gales, subliña a importancia de designar zonas de "maior densidade lingüística " para preservar o seu uso.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de agosto de 2024
13 de agosto de 2024
O presidente da Generalitat de Catalunya, Salvador Illa, decretou a creación do Departamento de Política Lingüística, do que será conselleiro F. Xavier Vila, experto en sociolingüística. O novo departamento terá como obxectivo promover e garantir o uso do catalán en todos os ámbitos da sociedade e nas institucións, así como coordinar as accións lingüísticas do Goberno.
13 de agosto de 2024
O 26 de novembro de 2023 aprobouse a convocatoria de bolsas para o curso 2023-2024 destinadas á aprendizaxe do éuscaro que introducía novos requisitos. A partir de agora, será obrigatorio solicitar a axuda do Goberno de Navarra para optar á axuda do Concello de Burlada, agás no caso de persoas que estuden en centros de titularidade pública.
13 de agosto de 2024
A campaña «Toponimízate. Falámosche dos nomes da túa terra» volve o venres 30 de agosto cunha nova sesión en Abadín na que se explicará o funcionamento desta ferramenta que permite o rexistro e a xeorreferenciación de nomes de leiras, montes, camiños e outros microtopónimos tradicionais que corren o risco de se perder.
12 de agosto de 2024
O mércores 14 de agosto, Porto do Son acolle o espectáculo «Radiolímpica 88 FM» da familia de Os Bolechas, dirixido a nenos e nenas de 4 a 9 anos e ás súas familias. O evento mestura teatro de monicreques coas Olimpíadas de París, e ten como obxectivo promover o uso do galego no deporte.
Fonte: O Barbanza
12 de agosto de 2024
A Escola de Fútbol da Fundación Osasuna impartirase en éuscaro no colexio de Huarte, cun monitor local encargado das sesións. A actividade, dirixida a nenos e nenas de 6 a 8 anos, busca promover a integración desta lingua no ámbito deportivo.
Fonte: Pamplona Actual
12 de agosto de 2024
O Instituto Catalán das Empresas Culturais abrirá un segundo prazo ata o 5 de novembro para solicitar subvencións destinadas á edición de audiolibros en catalán ou occitano. Estas axudas diríxense a empresas e entidades sen ánimo de lucro que publiquen audiolibros baseados en obras previamente impresas.
12 de agosto de 2024
A oitava edición da Feira de Linguas Indíxenas Nacionais celebrouse en México coa finalidade de promover as boas prácticas e experiencias en favor destas linguas. Durante o evento, destacouse a importancia de garantir os dereitos e modos de vida dos pobos indíxenas, así como a necesidade de continuar transformando a política lingüística do Estado para construír un país plurilingüe. A feira conta con máis de 80 actividades culturais e educativas que destacan o valor das linguas indíxenas na sociedade.
12 de agosto de 2024
O Goberno de Escocia aprobou unha lei para promover o gaélico, mais un informe dun comité parlamentario alerta da necesidade de medidas urxentes para evitar que a lingua se extinga. A nova lexislación, que lle outorga ao gaélico e ao scots o status de linguas oficiais, podería quedar en algo simbólico se non se poñen en marcha accións efectivas para revitalizar o uso do gaélico.
12 de agosto de 2024
A Xunta de Galicia destina 200 000 € a colaborar con 46 proxectos na edición en lingua galega de recursos didácticos para niveis non universitarios este 2024. Así se recolle na resolución da convocatoria na que se inclúen catro empresas editoras con sede en Galicia.
Boletín
Subscríbase ao boletín
