As actividades do proxecto Apego, dirixido á cativada entre 1 e 4 anos para escoitar, participar e socializar en galego, trasládanse os martes de agosto ao parque de Bonaval, onde o acceso é aberto e de balde.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de agosto de 2024
09 de agosto de 2024
O prazo para presentar orixinais a este certame, nas modalidades de poesía e narración, permanecerá aberto ata o 28 de outubro. O concurso está dirixido a autores ou autoras de Navarra, ou residentes na comunidade, que poden presentar un único traballo por modalidade, sempre que sexa orixinal e non publicado. Establécense tres premios por modalidade, cunha dotación de ata 2500 euros.
09 de agosto de 2024
O Concello de Tolosa aprobou o Plan estratéxico de normalización do uso do éuscaro 2023-2027, xunto cos Criterios de Uso das Linguas Oficiais. Este plan, elaborado co apoio do persoal e representantes políticos, busca integrar o éuscaro na xestión diaria e avanzar na súa normalización. Ademais, inclúe accións como a adaptación das cláusulas lingüísticas nos contratos públicos e a clasificación das sesións e eventos municipais para garantir un uso adecuado das linguas.
09 de agosto de 2024
O festival Toitū Te Reo, celebrado en Aotearoa-Nova Zelandia, busca revitalizar o idioma maorí e fortalecer a identidade cultural a través de eventos artísticos, musicais e literarios. Inspirado no Eisteddfod galés, conta cun simposio e diversas actividades que promoven a inmersión lingüística. Neste evento saliéntase a importancia da solidariedade na preservación das linguas indíxenas fronte ás ameazas culturais e económicas que poñen en risco a súa supervivencia.
09 de agosto de 2024
A terceira edición da Feira de Literatura en Quechua busca revalorizar este idioma orixinario de Bolivia a través da exhibición e a promoción de materiais literarios en quechua. Organizada polo Instituto de Lingua e Cultura da Nación Quechua, en colaboración coa Cámara do Libro e a Gobernación de Cochabamba, a feira ofrece unha oportunidade para interactuar con autores, participar en talleres e descubrir obras en quechua para destacar a importancia de visibilizar a literatura en idiomas indíxenas.
08 de agosto de 2024
A illa de Mauricio acolle a Vishwarang 2024, unha conferencia internacional sobre o hindi para promover a lingua, a literatura, a cultura e as artes indias. Organizado inicialmente en 2019 pola Universidade Rabindranath Tagore en Bhopal, India, o evento reunirá delegados de máis de 20 países.
08 de agosto de 2024
Un terzo da oferta deportiva de Agurain destinada a persoas adultas para o curso 2024/2025 será en éuscaro, mentres que a oferta infantil está garantida ao 100 % nesta lingua.
08 de agosto de 2024
A Universidade Europea de Andorra asina un acordo co Ateneu Barcelonès para impulsar a lingua catalá
A Universidade Europea (eUniv) e o Ateneu Barcelonès asinaron un acordo de cooperación institucional para promover e reforzar a lingua catalá no ámbito da catalofonía. Este pacto inclúe a creación dunha delegación do Ateneu na sede da eUniv en Sant Julià de Lòria, así como a organización de actividades conxuntas como conferencias, publicacións e programas formativos. O acordo busca defender e asegurar a supervivencia da lingua catalá mediante a colaboración entre ambas as entidades.
08 de agosto de 2024
A Real Academia Galega organiza esta xornada que, baixo o título Os outros nomes, terá lugar o 19 de outubro no Museo de Pontevedra. Nesta edición estará na ciencia e a intelixencia artificial, a música tradicional e os fanzines, así como nos nomes actuais dos animais de compaña.
08 de agosto de 2024
O conselleiro de Emprego, Comercio e Emigración, José González, participou no acto de entrega dos premios Alecrín de Ouro, uns galardóns que organiza a Federación de entidades culturais galegas de Cataluña (Fegalcat) co obxectivo de recoñecer o traballo a prol da cultura galega por parte de persoas, empresas e entidades de diferentes ámbitos.
Boletín
Subscríbase ao boletín
