Este certame literario ten como obxectivo fomentar a creatividade da mocidade universitaria e desenvolver a súa capacidade de expresión en galego. A el poden presentarse obras de calquera xénero literario (narrativa, poesía, teatro, ensaio...) e de calquera tema (incluída a temática científica).
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de agosto de 2024
01 de agosto de 2024
O plan aprobado para o período 2024-2027 en Portugalete inclúe un programa para fomentar o uso do éuscaro entre a mocidade no seu tempo libre.
Fonte: Tele 7
01 de agosto de 2024
No Brasil, máis de 1200 escolas ofrecen ensino bilingüe, o que supón un crecemento do 10 % nos últimos cinco anos. Só en 2023, houbo un aumento do 64 % na demanda de programas educativos que inclúen un segundo idioma, sobre todo nas cidades de São Paulo e Río de Xaneiro.
01 de agosto de 2024
Google Translate ampliou o seu servizo engadindo 110 novos idiomas, grazas ao modelo de intelixencia artificial PaLM 2. Esta é a maior expansión ata a data, o que beneficiará a máis de 614 millóns de persoas, incluíndo falantes de linguas indíxenas e dialectos case extintos.
Fonte: Infobae
01 de agosto de 2024
O Goberno de Cataluña lanzou unha nova edición do Programa CRE, un curso en liña de catalán dirixido a menores de 12 a 17 anos que viven no estranxeiro. Este programa busca mellorar as habilidades lingüísticas e a inmersión cultural en catalán, adaptándose aos distintos niveis e horarios dos estudantes.
Fonte: Generalitat de Catalunya
01 de agosto de 2024
Con este cancelo pódense coñecer as propostas da CTNL nas redes X e Instagram sobre actualidade, iniciativas, lecturas, campañas, documentos ou recursos de interese.
Fonte: Coordinadora de Traballadores/as de Normalización da Lingua
01 de agosto de 2024
A Associaçom Galega da Língua (AGAL) foi recoñecida como observadora consultiva na CPLP nun acordo tomado o 19 de xullo, converténdose así na cuarta entidade con este recoñecemento.
Fonte: Consello da Cultura Galega
01 de agosto de 2024
O conselleiro de Cultura, Lingua e Xuventude, José López Campos, destacou o papel do neofalantismo dentro da estratexia lingüística da Xunta para fomentar o uso da nosa lingua entre a xente máis nova. Por este motivo, puxo en valor a sinatura da renovación do convenio do departamento que dirixe coa Universidade de Santiago de Compostela, dotado con 80 000 euros, e que ten como obxecto tirar o máximo proveito destas potencialidades non só en materia de lingua, senón tamén en emprego xuvenil.
31 de xullo de 2024
O Consello de Goberno aprobou a convocatoria EIMA, que destina 985 000 euros á produción de materiais didácticos en éuscaro para niveis educativos non universitarios. Esta convocatoria subdivídese en tres modalidades: materiais impresos, materiais dixitais e materiais impresos.
Fonte: Gobierno Vasco
31 de xullo de 2024
O 68,1 % dos estudantes de bacharelato das Illas Baleares elixiu realizar a Proba de Acceso á Universidade en catalán o pasado xuño, unha lixeira suba respecto ao ano anterior. Aínda que o uso do catalán nos exames descendeu notablemente desde 2009, estabilizouse en 2024.
Boletín
Subscríbase ao boletín
