Esta intelixencia artificial mellorada utiliza datos propios para conseguir mellores traducións e máis precisas en 33 linguas. Ademais, engadiu o chinés tradicional para a industria de fabricación de chips.
Fonte: NotebookCheck
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
29 de xullo de 2024
Tradición oral recuperada das tebras. Son contos... ou Historia?, de Severino Fernández Abel e publicado pola editorial Medulia, foi presentado o venres 26 de xullo en Boqueixón.
Fonte: O Portal da Lingua Galega
29 de xullo de 2024
O galego é unha das linguas presentes en catro novos glosarios multilingües co léxico básico de deportes como o voleibol de praia, o trampolín, a escalada e o surf.
26 de xullo de 2024
A Facultade de Filosofía da Universidade de Santiago de Compostela acolleu o peche dos Cursos Galego sen fronteiras. Neste acto de clausura realizouse a entrega dos diplomas ao máis de medio cento de estudantes que participaron nesta XXXIV edición, chegados desde diversos países de Europa, Asia e América.
26 de xullo de 2024
A Universidade de Santiago amplía o foco do concurso #TEDSaúde e ábreo á subtitulación de vídeos TED de divulgación científica en calquera ámbito, baixo o novo título de #traduceTED.
26 de xullo de 2024
O Concello de Xixón planea un novo proxecto que integra a intelixencia artificial (IA) para promover o uso do asturiano. O plan inclúe a creación dunha guía sobre o uso da IA no contexto asturiano, colaboracións con empresas tecnolóxicas para aumentar a presenza do idioma nos seus servizos, campañas en redes sociais e o apoio a iniciativas culturais e educativas en asturiano. Con estas accións, Xixón busca situarse como referente na preservación e normalización da lingua.
26 de xullo de 2024
O proxecto de lei, que está en fase de análise na Cámara dos Deputados, obrigará á avaliación de coñecementos de portugués en todas as fases dos concursos públicos da Administración pública federal. O obxectivo é que os servidores públicos posúan un dominio adecuado desta lingua.
Fonte: Diário Digital
26 de xullo de 2024
A convocatoria de axudas Interlingua increméntase ata os 1,5 millóns de euros para fomentar o catalán, o aranés, a lingua de signos catalá e outras terceiras linguas no ámbito universitario.
Fonte: Generalitat de Cataluña
26 de xullo de 2024
O Certificado de Competencia en Portugués para Estranxeiros está recoñecido oficialmente polo Goberno brasileiro e aceptado internacionalmente por empresas e institucións educativas. Para conseguilo, esta universidade arxentina realizará un exame para o que está aberto o prazo de inscrición.
Fonte: El Litoral
24 de xullo de 2024
O secretario xeral da Lingua, Valentín García, e o director de Turismo de Galicia, Xosé Merelles, presentaron a segunda edición do Festival Revenidas Miúdo co fin de consolidar o emprego da lingua nas idades máis temperás.
Fonte: O Portal da Lingua Galega
Boletín
Subscríbase ao boletín
