O secretario xeral de Política Lingüística, Anxo Lorenzo, visitou a sede da Real Academia Galega, situada na Coruña, da man do presidente da institución, Xosé Ramón Barreiro Fernández.
Fonte: Xunta de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
27 de maio de 2009
A Asociación cultural Fala Ceibe do Bierzo emite un comunicado dirixido á cidadanía berciana, á Consellería de Educación da Junta de Castilla y León, ao Valedor do Pobo desta comunidade e aos medios de comunicación para informar dos problemas escolares do ensino da materia de Lingua Galega no Bierzo.
Fonte: O Bierzo Ceibe
27 de maio de 2009
No seu informe anual 2008-2009, o Comisario das linguas oficiais, Graham Fraser, sinala que en Quebec é onde se atopa a maior proporción de persoas bilingües de Canadá e que máis dun terzo (36 %) dos francófonos, así como máis de dous terzos dos anglófonos (69 %), afirmaban no momento do último censo federal que se expresan en inglés e francés.
Fonte: CNW Group
27 de maio de 2009
As industrias e os servizos en que a lingua portuguesa é un elemento clave representan o 17 % do produto interior bruto (PIB) de Portugal. Esta é a primeira conclusión do estudo "O Valor Económico da Língua", encomendado polo Instituto Camões a un equipo de investigadores do Instituto Superior de Ciencias do Traballo e da Empresa (ISCTE).
Fonte: Jornalismo PortoNet
27 de maio de 2009
Perú celebra o 27 de maio o Día do Idioma Nativo. Esta celebración promove o recoñecemento e respecto polos seus idiomas nativos: quechua, aimará ou linguas selváticas.
Fonte: De Perú
27 de maio de 2009
O presidente do Goberno español, José Luis Rodríguez Zapatero, xulgou "axeitado" o modelo español de protección e promoción do castelán e das linguas cooficiais, e subliñou que nos últimos anos houbo "avances" pese a que queda "camiño por percorrer".
Fonte: EcoDiario
27 de maio de 2009
A Consellería de Educación do Goberno vasco presidido por Juan José Ibarretxe, ante as queixas recibidas polo Valedor do Pobo, respondeulle a este que o descenso da oferta de clases en castelán durante 2008 se debeu á diminución da demanda.
Fonte: Europa Press
27 de maio de 2009
A voceira do Goberno vasco, Idoia Mendía, afirmou que o Executivo manterá o actual sistema de modelos lingüísticos e "garantirá" a posibilidade dos pais de optar por calquera dos tres modelos -en éuscaro, en castelán ou bilingüe-- para a educación dos seus fillos, aínda que recoñeceu que a aspiración do gabinete de Patxi López é implantar un sistema trilingüe que introduza o inglés como terceira lingua no sistema educativo vasco.
27 de maio de 2009
Un estudo da Fundación Ceimigra revela que o 97,8 % dos estudantes estranxeiros da Comunidade Valenciana ten coñecementos dalgunha das dúas linguas oficiais e só o 2,2 % carece completamente de competencias comunicativas.
Fonte: Panorama Actual
27 de maio de 2009
O presidente de Kirguizistán, Kurmanbek Bakíev, demostrou o seu dominio da lingua kirguís ao aprobar o exame de idioma que teñen que presentar todos os aspirantes ao cargo de xefe de Estado, tal e como establece a lexislación.
Fonte: ADN
Boletín
Subscríbase ao boletín
