Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O conselleiro de Educación, Jesús Vázquez, asegurou que o Plan xeral de normalización da lingua galega é un "documento de traballo" que resulta "útil" na busca dun "consenso lingüístico", pero destacou que non constitúe "unha obriga legal".
Fonte: Europa Press
A CIG denunciou que a Xunta pretende eliminar a cláusula da Lei da función pública galega que obriga a realizar en galego, como mínimo, unha das probas das que constan os procesos selectivos e que esta medida teña carácter retroactivo.
Fonte: Galicia Hoxe
A Consellería de Educación do Goberno de Canarias publicará unha orde que permitirá solicitar a modalidade de ensino bilingüe a todos os centros educativos ao longo da presente lexislatura.
Fonte: Gobierno de Canarias
O Instituto Nacional de Antropoloxía e Historia (INAH) de México creou un xogo didáctico denominado "Maratón Yoreme", que ten o obxectivo de preservar a lingua indíxena "mayo", falada no estado mexicano de Sonora (norte).
Fonte: Xinhuanet
A Plataforma per la Llengua recolle no estudo 'El català a la telefonia mòbil' que o catalán está cada vez máis presente no sector da telefonía móbil, aínda que con destacables diferenzas entre os fabricantes de terminais e as compañías operadoras.
Fonte: Europa Press
O Goberno do Concello de Lena acaba de convocar unhas subvencións nas que a novidade é que entre as obrigas das asociacións e colectivos que queiran optar a estas está a de facer a publicidade bilingüe (asturiano-castelán) ou só en asturiano.
Fonte: Asturies.com
Mentres se prepara a segunda edición do dicionario da Real Academia Galega, pode consultarse a primeira na web da Xunta, pero non está adaptada ás normas en vigor.
Fonte: La Voz de Galicia
O profesor da Universidade de Valencia, Julio Calvo Pérez, acaba de publicar en Perú o dicionario máis amplo de todos os existentes dunha lingua amerindia, concretamente o quechua.
Fonte: ADN
Este tradutor chámase Apertium e foi posto en marcha por un enxeñeiro informático galés na Universidade de Alacant en colaboración coa Oficina da Lingua Bretoa.
Fonte: Ouest-France
A Universidade de Oviedo acolle a normalización da lingua asturiana, aínda que non tan amplamente como se reclamaba desde algúns sectores. Para empezar, xa o vindeiro día 28 se aprobará un regulamento que regula a presentación de escritos en asturiano e os novos estatutos da institución proporán impulsar o idioma autóctono.
Fonte: La Voz de Asturias
Subscríbase ao boletín
