Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Federación de Persoas Xordas de Cataluña puxo en marcha o primeiro programa informático, para empresas e institucións, que permite dispoñer dun intérprete de lingua de signos catalá a distancia, denominado Sigthos, que elimina a necesidade de ter un intérprete no lugar da conversa.
Fonte: ADN
Segundo afirmou o secretario de Estado das Comunidades Portuguesas, António Braga, o ensino da lingua portuguesa será optativo no ensino oficial de Venezuela a partir do próximo ano lectivo.
Fonte: Diário Digital
O director xeral de Función Pública, José María Barreiro, reiterou a súa oferta de diálogo aos sindicatos para "consensuar" a modificación do artigo 35 da Lei de función pública e "garantir" que nas oposicións se poida escoller entre castelán e galego.
Fonte: Europa Press
O Goberno vasco aposta pola convivencia "harmónica" das dúas linguas oficiais e mantén que a política educativa e lingüística debe responder á existencia de dúas linguas oficiais e debe promover un bilingüismo "integrador".
Fonte: Europa Press
Leonardo Gómez Torrego é o autor de Ortografía práctica del español, un manual que recolle as novidades ortográficas aprobadas pola Real Academia Española.
Fonte: El Diario Montañés
A candidata do PSC nas eleccións europeas, Maria Badia, avogou por que as institucións europeas conten cun réxime lingüístico distinto ao actual, e que teña como base o número de falantes que utilizan cada idioma.
Fonte: Europa Press
Máis de 300 persoas participaron na manifestación da Cymdeithas yr Iaith Gymraeg (Sociedade da Lingua Galesa) fóra do edificio do Goberno da Asemblea de Gales en Cardiff o pasado sábado 16 de maio, co fin de apoiar a petición de que as decisións relativas á lingua galesa pasen de tomarse no Parlamento Británico en Londres á Asemblea electa.
Fonte: Eurolang
O obxectivo desta tradución é difundir entre os habitantes indíxenas o contido da Constitución Mexicana, coa finalidade de que coñezan os seus dereitos como mexicanos e diminúan os abusos contra eles.
Fonte: Excélsior
Con máis de 19.000 entradas e unha breve introdución á gramática irlandesa e a refráns, o dicionario constitúe un valioso recurso para un importante número de persoas de Irlanda, así como para falantes de español que están aprendendo irlandés en España, América do Sur e tamén nos Estados Unidos.
Fonte: Europeanirish
O Parlamento de Navarra esixiulle ao Goberno foral que deixe de defender o decreto foral 29/2003 que regula o emprego do éuscaro na Administración e que inclúe catro artigos anulados en doce sentenzas do Tribunal Superior de Xustiza de Navarra.
Fonte: Noticias de Navarra
Subscríbase ao boletín
