Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Coa finalidade de prestar un mellor servizo á poboación de fala quechua e aimará, algúns xuíces e persoal de apoio do Tribunal Departamental de Xustiza acoden a cursos para aprender estes idiomas, dixo o presidente do Tribunal Superior do Distrito de Oruro.
Fonte: FM Bolivia
Portugal recoñeceu "o empeño demostrado" pola actual dirección do Banco Africano de Desenvolvemento na utilización do portugués nas súas relacións cos países que o usan como lingua oficial, pero pediu un maior esforzo na súa implementación.
Fonte: Açoriano Oriental
O presidente do Goberno galego, Alberto Núñez Feijóo, asegurou que a Xunta estudará a posible oficialización do topónimo 'La Coruña' se a "maioría" dos grupos que conforman o pleno do Concello coruñés "se poñen de acordo" e elevan unha petición "consensuada" á Administración autonómica.
Fonte: Europa Press
O Consello da Xunta celebrado hoxe aprobou o nomeamento como novo secretario xeral de Política Lingüística de Anxo M. Lorenzo Suárez, profesor titular do Departamento de Filoloxía Galega e Latina da Universidade de Vigo.
Os sindicatos Suatea e CCOO mobilizáronse en defensa da creación da especialidade da lingua asturiana nos corpos docentes do Principado.
Fonte: La Voz de Asturias
O presidente do Goberno, José Luis Rodríguez Zapatero, ratificouse como un "firme defensor" das linguas cooficiais, convencido de que apoialas é "unha aposta de visión histórica", pero advertiu de que ese apoio non supón aceptar os "excesos" que se cometan con elas.
Fonte: El Periódico
O grupo de CiU no Parlamento catalán rexistrou unha proposta de resolución na Cámara catalá para instar o Goberno de Cataluña a reclamar a Renfe que ofreza a posibilidade de ser atendido en catalán no servizo telefónico de venda de billetes.
Fonte: Europa Press
O vindeiro 30 de maio a Oficina da Lingua Bretoa festexará os seus dez anos de existencia no Pazo de Congresos de Lorient.
Fonte: OLB
Nunha reunión celebrada o pasado mes de marzo, un grupo de expertos convidados pola Unesco e a Comisión Nacional Chinesa reuniuse por primeira vez co obxectivo de analizar a viabilidade da creación dunha rede virtual para a aprendizaxe de linguas.
Fonte: Linguamón
A exposición “As nosas palabras, os nosos mundos”, coa que a Xunta de Galicia convida a facer un percorrido pola historia do galego no contexto mundial da diversidade lingüística, chega o 15 de maio á Casa da Cultura de Bos Aires, onde permanecerá ata o 28 deste mesmo mes.
Fonte: Xunta de Galicia
Subscríbase ao boletín
