O Concello de Pontevedra anunciou a posta en marcha dunha campaña de dinamización lingüística para promover o uso do galego no comercio pontevedrés.
Fonte: La Voz de Galicia
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de abril de 2009
24 de abril de 2009
Os ministros iberoamericanos de Cultura decidiron dar un impulso á difusión do español e o portugués en internet e no mundo da ciencia e a tecnoloxía, no que os expertos recoñecen un grande atraso fronte ao inglés.
Fonte: El Universal
24 de abril de 2009
Cerca de 400 mozos e mozas manifestáronse polas rúas de Palma, en relación coa concentración convocada por Joves de Mallorca per la Llengua, SEPC e Maulets, baixo o lema 'El jovent en defensa de la llengua' (A mocidade en defensa da lingua).
Fonte: Europa Press
23 de abril de 2009
O Cabido de Tenerife, a través dos Centros de Servizos ao Cidadán (CSC) de Icod, La Orotava e Los Cristianos, en Arona, incorporou persoal especializado para atender a estranxeiros en lingua inglesa e alemá.
Fonte: Cabildo de Tenerife
23 de abril de 2009
O secretario de Política Lingüística, Bernat Joan, acompañado do secretario de Telecomunicacións e Sociedade da Información, Jordi Bosch, compareceu ante a Comisión de Asuntos Galeses do Parlamento británico.
Fonte: Generalitat de Catalunya
23 de abril de 2009
Na cidade de Barcelona un 52% da poboación ten o catalán como lingua habitual, segundo datos da "Enquisa de condicións de vida e hábitos da poboación de Cataluña, 2006", do Instituto de Estudos Rexionais e Metropolitanos de Barcelona, difundidos por CiU.
Fonte: ADN
23 de abril de 2009
O ministro de Cultura e Deportes de Guatemala, Jerónimo Lancerio, pediu que os xefes de Estado de Iberoamérica apoien e recoñezan as linguas maternas orixinarias de Latinoamérica.
Fonte: Prensa Libre
23 de abril de 2009
O Padroado Municipal de Éuscaro de San Sebastián puxo en marcha un novo xogo de "trivial interactivo" para todos os públicos que permite practicar o éuscaro e coñecer mellor as características da capital guipuscoana.
Fonte: Diario Vasco
23 de abril de 2009
Novaxove.com pon en marcha un concurso de ideas de como difundir o galego a través da rede. De cara á celebración o vindeiro 17 de maio do Día das Letras Galegas e o Día de Internet, queren que lles contes que iniciativa porías ti en marcha na rede para difundir o galego. O premio é unha cámara de vídeo e o prazo remata o 11 de maio.
Fonte: CTNL
23 de abril de 2009
Un comité de expertos do Consello de Europa vixiará durante os próximos meses que non se dean en Galicia pasos atrás na aplicación da Carta Europea das Linguas Rexionais ou Minoritarias, documento internacional de obrigado cumprimento.
Fonte: De Luns a Venres
Boletín
Subscríbase ao boletín
