Hai corenta anos, New Brunswick aprobou a Lei de linguas oficiais, que cambiou o curso da historia da provincia e desencadeou un debate cultural e social que aínda continúa hoxe.
Fonte: Edmonton Sun
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
17 de abril de 2009
17 de abril de 2009
O Concello de Carballo, desde o seu Servizo de Normalización Lingüística e en colaboración con Galicia Hoxe, convocou o V Premio a artigos xornalísticos normalizadores co obxectivo de promover a reflexión sobre a situación social da lingua galega, a súa presenza nos medios escritos e crear espazos nos xornais para analizar e promover o seu uso.
Fonte: Galicia Hoxe
17 de abril de 2009
O asturleonés, o aragonés e o aranés son tres linguas con recoñecementos legais diferentes que demostran que a realidade lingüística do Estado español vai moito máis alá dos idiomas oficialmente recoñecidos polos seus respectivos estatutos de autonomía. O Avui preparou unha serie de reportaxes sobre estas realidades descoñecidas.
Fonte: Avui
17 de abril de 2009
A lingua portuguesa poderá ensinarse proximamente nas escolas do ensino de base de Zambia, segundo anunciou en Luanda o ministro zambiano para os Asuntos da Presidencia, Ronald Mukuma.
Fonte: Panapress
17 de abril de 2009
A Coordinadora 'Aragón ye trilingüe' convocou unha manifestación o próximo 16 de maio para reivindicar a igualdade do aragonés, o castelán e o catalán na comunidade autónoma e esixir o recoñecemento dos dereitos dos falantes das tres a expresarse nestas linguas.
Fonte: Ya.com
16 de abril de 2009
Acción Cultural do País Valenciano (ACPV) poñerá en funcionamento o denominado Telèfon de la Llengua (Teléfono da Lingua), un servizo de asesoramento telefónico orientado a garantir os dereitos lingüísticos dos falantes de valenciano.
Fonte: Món Divers
16 de abril de 2009
O Senado brasileiro lanzou o día 15 de abril, na Biblioteca Acadêmico Luiz Viana Filho, unha guía impresa en braille do Novo Acordo Ortográfico da Lingua Portuguesa.
Fonte: Senado Federal
16 de abril de 2009
Recoñecida pola Unesco como unha lingua "definitivamente en perigo de extinción", o arameo conta con só 7000 falantes en Maaloula (Siria) e con arredor de 8000 en dúas vilas próximas. Pero as cousas están mellorando, sobre todo desde que a Universidade de Damasco fundou a súa academia da lingua, coa axuda do Goberno.
Fonte: Irish Times
16 de abril de 2009
A EBLUL lanzou un novo comité dun estado membro en Letonia. O día 4 de abril, en Irē (Mazirbe, en letonio), a capital livonia, representantes das linguas rexionais e minoritarias de Letonia (livonio, latgalio, ruso e võro) fundaron a Oficina Letoa para as Linguas Menos Usadas (LatBLUL).
Fonte: Eurolang
16 de abril de 2009
Comisións Obreiras, UXT, CIG e a Confapa (Confederación Galega de APA de Centros Públicos) coinciden en que é "escolarmente imposible" que as familias teñan liberdade para decidir.
Fonte: El País
Boletín
Subscríbase ao boletín
