Nun esforzo por conservar as linguas e a cultura antigas de Perú, as autoridades de Puno decidiron sinalizar as principais rúas da cidade con palabras nas linguas quechua e aimará.
Fonte: Andina
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de abril de 2009
Quinta de Couselo e Tvronia da Adega Quinta Couselo e a Adega O Casal foron as premiadas na VI edición dos premios Bacelos de Prata. O xurado recoñece así a utilización da lingua galega desde o inicio da súa actividade empresarial.
Fonte: Vieiros
07 de abril de 2009
A Carta da Lingua Francesa di que toda empresa con máis de 50 persoas en Quebec debe demostrar que a utilización do francés está xeneralizada en todos os niveis da empresa. Non obstante, moitas prácticas van contra o espírito desta lei.
Fonte: La Presse Affaires
07 de abril de 2009
A Federación de Asociacións de Éuscaro Topagunea celebrou a súa Xunta Anual e decidiu abrir un debate, que durará tres anos, sobre o papel destas asciacións como centro da comunidade lingüística.
Fonte: Europa Press
07 de abril de 2009
O Parlamento de Bangladesh (Jatiya Sangsad) aprobou por unanimidade unha resolución para que as Nacións Unidas recoñezan o bengalí como lingua oficial desta institución. A resolución enviaráselle inmediatamente ao Secretariado das Nacións Unidas para as accións precisas.
Fonte: The Daily Star
07 de abril de 2009
Case 200.000 persoas participaron nas Trobades d'Escoles en Valencià (Xornadas de Escolas en Valenciano) o ano pasado. A 24ª edición desta iniciativa de reivindicación do valenciano pretende bater esta cifra.
Fonte: Las Provincias
07 de abril de 2009
A Fundación Euroárabe presenta no II foro da Alianza de Civilizacións o proxecto "Saber nomear, saber convivir", cuxo obxectivo é utilizar a lingua de forma rigorosa en temas de inmigración para evitar connotacións e estereotipos.
Fonte: ADN
07 de abril de 2009
O Ministerio de Cultura de Colombia invita, do 20 ao 26 de abril, a celebrar a extraordinaria diversidade lingüística do país, que conta con 69 linguas.
Fonte: Entrada Libre
07 de abril de 2009
Unha iniciativa gobernamental para promover o francés en Quebec prohibe a comercialización de videoxogos que só estean en inglés se hai dispoñible unha versión en francés.
Fonte: Código Cero
06 de abril de 2009
O espazo Ben falado! da Televisión de Galicia dedícalle un programa ao Observatorio da Lingua Galega
O pasado xoves 2 de abril o programa televisivo Ben falado!, microespazo de cinco minutos diarios dedicados ao galego e presentado por Xesús Ferro Ruibal, estivo protagonizado polo Observatorio da Lingua Galega.
Pode ver o programa no seguinte enderezo web:
http://www.crtvg.es/TVGacarta/?prog=456
Boletín
Subscríbase ao boletín
