Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A asociación Galicia Bilingüe entregou no Rexistro Xeral da Xunta un total de 102.330 sinaturas recollidas pola agrupación a pé de rúa en apoio ás súas peticións, que pasan polo dereito dos cidadáns a elixir a lingua que utilizan e dos pais a escoller o idioma do ensino dos seus fillos.
Fonte: A Nosa Terra
O inglés era a razón que xustificaba que os estudantes africanos obtivesen malos resultados nos exames finais, debido ás súas dificultades de comprensión, segundo afirmou un alto funcionario de educación de Cabo Oriental. No seu relatorio no 10.º Día Internacional da Lingua Materna, o presidente do Comité Permanente de Educación, Bulelwa Thunyiswa-Gqoboka, apelou ao Ministerio de Educación nacional para que introduza as linguas africanas no ensino de todas as materias.
Fonte: Dispatch Online
O presidente da Real Academia Galega (RAG), Xosé Ramón Barreiro Fernández, avogou por aplicar a Lei de normalización lingüística de Galicia, que considera que non foi executada ata o momento, e por potenciar que os alumnos, que na actualidade teñen maiores competencias en galego, utilicen esta lingua unha vez saen de clase.
Fonte: Xornal.com
O Tribunal Superior de Xustiza de Cataluña desestimou o recurso interposto por unha muller que reclamaba que a súa filla fose educada en castelán durante a educación infantil no colexio Sant Josep de Calassanç-Escolàpies de Sabadell, e que tamén pedía que lle enviasen todas as circulares nesta lingua.
Fonte: Avui
Todos os usuarios do servizo de correo electrónico Hotmail poden empregar o catalán na interface desta aplicación de Microsoft, despois de que a firma concluíse a tradución a esta lingua de todos os servizos de Windows Live.
Fonte: El Periódico
A presidenta da Academia Valenciana da Lingua (AVL), Asunció Figueres, comprometeuse a "traballar para normalizar o valenciano no ámbito da igrexa", tras a reunión mantida cun grupo de membros do Bloc Jove, con motivo do Día da Lingua Materna.
Fonte: ADN
As institucións responsables da política lingüística en Euskadi, Catalunya, Galicia e Illes Balears, dentro dos ámbitos de colaboración entre os catro executivos en materia de política lingüística, instituíron o Premio á promoción da realidade plurilingüe do Estado español para recoñecer o labor realizado por persoa, entidade ou empresa no ámbito do recoñecemento e promoción da diversidade lingüística existente no Estado.
Fonte: Xunta de Galicia
O galego deixou de ser unha lingua "en risco". De feito, xa non figura na terceira edición do Atlas das Linguas en Perigo no Mundo, elaborado pola Organización da ONU para a Educación, a Ciencia e a Cultura (Unesco).
Fonte: Galicia Hoxe
Cinco centros públicos navarros estrearán o vindeiro curso os novos programas plurilingües deseñados polo Departamento de Educación (un outorga preeminencia ao castelán e o outro ao éuscaro).
Fonte: Diario de Noticias
A Unión Europea, a través dunha mensaxe en YouTube, pídelles aos falantes nativos de inglés dos 27 Estados membro que aprendan outras linguas europeas para poder traballar en Bruxelas como tradutores e intérpretes.
Fonte: All Headline News
Subscríbase ao boletín
