O Goberno vasco avanza na oficialización do éuscaro na Unión Europea, enviando un informe sobre a situación do idioma e solicitando que o IATE se vincule co banco de datos terminolóxicos Euskalterm. Esta solicitude foi acompañada de cartas a autoridades españolas e europeas detallando a capacidade do éuscaro para cumprir os compromisos da oficialidade.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de xuño de 2024
Un estudo da Enquisa de Servizos Municipais de Barcelona de 2023 revela que o uso do catalán na cidade caeu ao 36,5 %, unha porcentaxe semellante ao 36,1 % do total de Cataluña, segundo a Enquisa de Usos Lingüísticos de 2018. O uso do catalán descendeu progresivamente desde o 49 % en 1989 ata o 37 % en 2023.
07 de xuño de 2024
Rinoceronte Editora lanzou un novo dicionario en liña, complementario aos existentes, para recoller termos recentes, localismos, castelanismos, estranxeirismos e vocabulario específico ou minoritario non incluído na RAG ou no Digalego. Con mil entradas iniciais, prevé actualizacións diarias para abranguer o léxico das súas publicacións.
Fonte: Praza.gal
07 de xuño de 2024
O conselleiro de Cultura, Lingua e Xuventude, José López Campos, asistiu ao Festival Aquí tamén se fala, impulsado polo Instituto IES Rafael Dieste para promover o uso do galego.
Fonte: O Portal da Lingua Galega
07 de xuño de 2024
O secretario xeral da Lingua, Valentín García, participou no acto de entrega dos VI Premios de Podcast Xosé Mosquera Pérez, O Vello dos contos.
Fonte: O Portal da Lingua Galega
07 de xuño de 2024
A Asemblea Nacional de Francia aprobou unha proposición de lei que obrigará os centros educativos a ofrecer o ensino das linguas rexionais nos territorios de ultramar. O obxectivo é combater o abandono escolar.
Fonte: Diario de la Llengua
07 de xuño de 2024
O número de inscricións nos exames oficiais de catalán aumenta un 17 % en Andorra. A aprobación recente da lei da lingua propia fixo disparar o interese por aprender o idioma do país.
Fonte: Diari de la Llengua
06 de xuño de 2024
María José Ginzo, profesora da USC, gañou o III Premio Sociedade Internacional de Humanidades Dixitais Hispánicas-Fundación BBVA pola súa tese 'Técnicas estatísticas en xeolingüística. Modelización onomástica', que explora novos métodos estatísticos para estudar a onomástica.
06 de xuño de 2024
A Xarxa Vives, que agrupa 22 universidades do dominio lingüístico catalán, alertou do risco que pode supor a proposición de lei educativa para o valenciano.
Fonte: Diari de la Llengua
06 de xuño de 2024
Este galardón internacional que outorga Red Hat recoñece o seu labor no desenvolvemento do proxecto de tradutor neuronal Itzuli.
Fonte: Gobierno Vasco
Boletín
Subscríbase ao boletín
