Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Casaquistán vai modificar a súa política migratoria coa intención de pedirlles unha proba de lingua ás persoas que queiran adquirir a nacionalidade. Esta medida forma parte dos esforzos que o país está facendo para fomentar o uso e protección da lingua casaca.
Fonte: Eurasianet
Portugalete acolle unha nova edición do Mintzodromo, organizado polo Concello e os euskaltegis do municipio, que ten como obxectivo ofrecer unha oportunidade máis para falar en éuscaro.
Fonte: Radio Popular
Unha vintena de rapaces e rapazas, do case medio cento que estudan galego no Instituto Cañada Blanch de Londres, están a visitar Galicia a través do programa Viaxe da Lingua 2024, co que colabora a Xunta a través das secretarías xerais da Lingua e de Emigración.
Fonte: O Portal da Lingua Galega
Un lingüista e catedrático da Universidade de Islandia, Eiríkur Rögnvaldsson, criticou a tendencia a mudar ao inglés para comunicar coas persoas inmigradas xa que isto lles impide aprender a lingua vernácula e acceder a oportunidades no país de acollida.
Fonte: Reykjavik Grapavine
Tras a perda de vixencia do anterior plan 2022-2024, o novo ampliarase ata o 2034, para o que se busca a participación cidadá a través de dúas canles: grupos de interese e recollida de achegas de forma telemática e en caixas de correo.
Fonte: Ayuntamiento de Tolosa
Comboi é o nome desta nova emisora que ofrece unha selección musical en valenciano e que combina clásicos con temas máis actuais.
Fonte: Marina Alta
Os Premios Mil Primaveras teñen como finalidade difundir e poñer en valor proxectos de fomento da lingua galega que incrementen o seu uso e prestixio.
Fonte: Premios Mil Primaveras
O secretario xeral da Lingua, Valentín García, anunciou o reforzo das políticas lingüísticas da Xunta para tirar proveito das potencialidades que ten o neofalantismo e fomentar o uso da nosa lingua entre a mocidade. Fíxoo en resposta a unha pregunta no Parlamento de Galicia na que concretou que se fará a través dun convenio coa Universidade de Santiago dotado con 80 000 € que recolle unha serie de actuacións ao longo de tres anos.
Nos próximos días, a primeira remesa de estudantes universitarios que realizaron os seus estudos integramente en inglés rematará o grao de Arqueoloxía, Historia e Grecia Antiga pola Universidade de Atenas. Ademais deste programa de estudos, existen outros tres programas impartidos en inglés, o que demostra o interese crecente que existe en Grecia por potenciar a internacionalización do ensino universitario por medio da lingua estranxeira.
Fonte: Ekathimerini
O Goberno de Portugal presentou o novo plan de acción para as migracións que prevé a revisión dos procedementos e o fortalecemento dos medios para o ensino do portugués como lingua non materna.
Fonte: SIC Notícias
Subscríbase ao boletín
