Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Esta asociación organiza un programa de aprendizaxe do galego en liña impartido pola docente Carolina Silva Arandia con diferentes modalidades: clases de galego grupais, encontros de conversa en liña e clases de alfabetización.
Fonte: Consello da Cultura Galega
A enquisa do Eurobarómetro, recentemente publicada pola Comisión Europea, revela que nos últimos anos se produciu unha melloría das habilidades lingüísticas da cidadanía europea. Segundo o estudo, 3 de cada 5 europeos pode ter unha conversa noutra lingua diferente á materna e case a metade dos enquisados fala inglés como segunda lingua.
Fonte: Travel Tomorrow
A pesar do declive do uso do galés nas zonas onde historicamente había máis falantes, os datos dun novo censo revelan que se produciu un incremento no número global de falantes en toda Escocia, grazas en gran medida ás escolas de inmersión en vernáculo.
Fonte: BBC
A Comunidade dos Países de Lingua Portuguesa (CPLP, polas súas siglas en portugués) propuxo en Lisboa sete medidas aos observadores consultivos da organización para que se faga todo o posible por promover e fortalecer o uso e recoñecemento do portugués a nivel internacional.
Fonte: Executive Digest
Esta mobilización reclamáballe ao Goberno vasco un cambio nas políticas sobre cultura e sector audiovisual para que se sitúe o éuscaro no centro, así como unha oferta ampla, actualizada e atractiva de contidos nesta lingua en plataformas, EiTB ou cinemas.
Fonte: NoticiasDe
«Posa-hi tu l’accent» é o nome deste festival que se celebrará entre os días 27 e 29 de setembro e que pretende reunir e poñer en valor o conxunto de variantes dialectais do catalán.
Fonte: Diari de la Llengua
O Día da Galeguidade Empresarial conmemorará este ano o 75 aniversario da creación da empresa Embutidos Lalinense e porá en valor a súa aposta pola galeguización da actividade empresarial e da etiquetaxe dos seus produtos.
Fonte: Consello da Cultura Galega
A campaña «En galego, sen límites!» é unha iniciativa que ten como obxectivo normalizar o uso desta lingua en amplos sectores sociais e supón a primeira de moitas accións previstas para fomentar o seu uso no día a día da poboación.
Fonte: Concello de Arzúa
A V Festa do Apego inclúe maxia, contos con música, xogos, concertos, teatro de monicreques, obradoiros e moitas máis actividades. Esta celebración enmárcase no proxecto Apego que promove a transmisión do galego como lingua inicial nas familias.
Fonte: Concello de Ames
Segundo os datos do Instituto Navarro de Estatística, correspondentes a 2022, o 15,1 % da poboación navarra fala éuscaro; o 11,3 %, enténdeo; e o 73,3 %, nin o fala nin o entende.
Fonte: EITB
Subscríbase ao boletín
