Os ministerios de Asuntos Exteriores de Letonia e Estonia anunciaron a convocatoria do premio conxunto das linguas letoa e estoniana que recoñecerá os logros na promoción destes dous idiomas ao longo de todo o ano 2023.
Fonte: ENG LSM
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de marzo de 2024
A que foi escollida Palabra do Ano 2024, o neoloxismo «cibercarracho», acaba de sumarse a este paseo que ten como obxectivo mellorar a imaxe da cidade de Lugo e poñer en valor a lingua galega.
Fonte: Real Academia Galega
21 de marzo de 2024
A partir do curso 2025-2026 as escolas oficiais de idiomas de Asturias ensinarán asturiano e eonaviego. Quen se apunte a estas linguas recibirá unha certificación propia, xa que non son oficiais.
Fonte: Principado de Asturias
21 de marzo de 2024
Os concellos da provincia de Valencia que presenten a súa solicitude á campaña «Som de barri, de ciutat, de botiga i de mercat» poderán recibir axudas para organizar premios ao uso do valenciano no comercio local.
Fonte: Diputació de València
21 de marzo de 2024
O Certame Literario de Ames chega á súa XXI edición á que se poden presentar textos inéditos de narrativa e poesía en lingua galega ata o vindeiro 24 de abril. O obxectivo desta iniciativa é a promoción da creación literaria en galego para reforzar o proceso de normalización lingüística.
Fonte: Concello de Ames
21 de marzo de 2024
O concurso de vídeos Vémolo Nós pretende fomentar o uso do galego como lingua de divulgación científica. Con estes vídeos curtos e orixinais en galego constituirase un compendio de materiais audiovisuais útiles e de calidade para a docencia no ámbito universitario.
21 de marzo de 2024
A cidade brasileira de Porto Alegre inaugurou o Centro Xoán Paulo II para o Estudo da Cultura Polaca que se converterá nunha importante institución de promoción e preservación da identidade polaca no Brasil e noutros países de América do Sur.
Fonte: Notes from Poland
21 de marzo de 2024
A vila portuguesa de Miranda do Douro acollerá un encontro promovido pola Unión Europea sobre a revitalización das linguas minoritarias europeas.
Fonte: Diário de Trás-os-Montes
20 de marzo de 2024
No marco dunha xornada organizada polo Consello da Avogacía Catalá, déronse a coñecer datos sobre o uso do catalán no ámbito da xustiza, como o incremento de actuacións na quenda de oficio nesta lingua nun 68,9 % nos dous últimos anos.
20 de marzo de 2024
O Goberno vasco e Red Hat presentaron Itzuli, un proxecto que aproveita as vantaxes da intelixencia artificial para ofrecer servizos de tradución (do éuscaro ao español, francés e inglés), transcrición (voz a texto en éuscaro e español) e síntese (texto a voz en éuscaro, español, francés e inglés).
Fonte: Computing
Boletín
Subscríbase ao boletín
