O presidente de Ucraína, Volodymyr Zelensky, aprobou a lei 9432 que regulará o uso da lingua inglesa no país eslavo. Segundo esta norma, o inglés convértese en lingua de comunicación internacional en Ucraína.
Fonte: Ukraine-Nachrichten
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de xuño de 2024
O Servizo Lingüístico da Universidade das Illas Baleares, en colaboración co Instituto de Estudos Baleáricos, lanzou a campaña «Què noms?» para promover a correcta inscrición de nomes e apelidos en catalán e animar a cidadanía a facer o cambio no Rexistro Civil.
26 de xuño de 2024
O Plan de éuscaro do Concello inclúe a iniciativa 'Eman Giltza', destinada a axudar ás familias na comunicación nesta lingua coas súas fillas e fillos a través de materiais educativos e proporcionando información sobre produtos culturais en éuscaro e recursos públicos dispoñibles para as familias.
26 de xuño de 2024
A metodoloxía Total Physical Response (TPR) demostrou ser eficaz para aprender vocabulario dunha segunda lingua mediante respostas físicas a ordes orais. A pesar de estar recoñecida desde 2008 para o ensino do inglés, en Galicia, a maioría dos profesores descoñécena. Un proxecto da Facultade de Ciencias da Educación e do Deporte busca familiarizar o alumnado con esta metodoloxía e crear unha guía para aplicala, centrada no ensino do galego en infantil e primaria.
26 de xuño de 2024
O secretario xeral da Lingua, Valentín García, participou na presentación de Canticar, un recurso creado por investigadores do Centro Ramón Piñeiro para a Investigación en Humanidades que cartografía a lírica profana galego-portuguesa, ao materializar de forma gráfica os topónimos recollidos nestes textos.
25 de xuño de 2024
Un estudo elaborado pola Oficina Federal Estatística de Suíza revela que o albanés é a segunda lingua estranxeira máis falada no país helvético despois do inglés e, por primeira vez, por diante do portugués.
Fonte: KOHA
25 de xuño de 2024
Un acordo asinado entre o Goberno de Gales e a empresa OpeanAI permitirá que a coñecida aplicación de intelixencia artificial ChatGPT poida mellorar o seu funcionamento en lingua galesa.
25 de xuño de 2024
O alumnado que estude portugués como primeira ou segunda lingua estranxeira nos centros educativos galegos poderá acreditar de xeito gratuíto o seu nivel lingüístico a partir do vindeiro curso, a través do Instituto Camões.
Fonte: Xunta de Galicia
25 de xuño de 2024
O Plan Ofercat foi servirá para promover o uso do catalán no comercio en seis localidades do Vallès Oriental. Inclúe formación nos establecementos e colaboración cos axentes económicos locais para aumentar o uso do catalán a través de accións formativas, informativas e de sensibilización.
Fonte: Generalitat de Catalunya
25 de xuño de 2024
O DOG publicou a resolución coa listaxe dos 858 centros educativos de titularidade pública que resultaron beneficiarios desta liña de subvencións para proxectos de fomento do galego.
Fonte: Galicia Confidencial
Boletín
Subscríbase ao boletín
