A obra Toponimia de Muros, de Alfonso Blanco Quintela, afonda na orixe e no significado dos 105 nomes da toponimia maior de Muros e en sete máis pertencentes á toponimia menor.
Fonte: Real Academia Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de marzo de 2024
A Facultade de Veterinaria da Universidade de Santiago organiza as novas convocatorias dos certames ‘Escolle en galego’ e ‘O teu traballo ten premio’, para fomentar o uso do galego nos traballos académicos do alumnado e na elaboración dos TFG.
12 de marzo de 2024
Baixo o lema «Senabrés, a nuesa llengua», convócase un concurso de relatos en senabrés que ten como obxectivo poñer en valor esta lingua, variante do asturleonés, e fomentar o seu uso.
Fonte: Zamora News
12 de marzo de 2024
Xunto coa Asociación Boirense de Empresarios e os centros de ensino do municipio, ponse en marcha a I edición do Concurso de Carteis escolares “Somos Boiro” cuxo obxectivo é sensibilizar sobre a importancia do consumo local, así como a posta en valor do patrimonio, a lingua galega e o contorno.
Fonte: Diario de Arousa
12 de marzo de 2024
A ampliación das actividades extraescolares en éuscaro responde a unha demanda da cidadanía e da ANPA do centro educativo, no que esta lingua só pode ensinarse fóra do horario escolar.
Fonte: Diario de Burgos
12 de marzo de 2024
O secretario xeral de Política Lingüística, Valentín García, participou na localidade leonesa de Cacabelos na XVI edición das Xornadas Martín Sarmiento, organizadas no marco das celebracións do Día do Galego no Bierzo pola Comisión Cultural Martín Sarmiento co apoio da Xunta de Galicia e da Junta de Castilla y León, entre outras entidades.
12 de marzo de 2024
O territorio de Frisia publicou as bases para participar no Liet 2024, festival da canción en lingua frisoa.
Fonte: Eurovoix World
12 de marzo de 2024
As alteracións da paisaxe do Ártico por mor do cambio climático poderían pór en risco a supervivencia do saami setentrional, lingua ártica que conta con máis de 300 palabras para denominar a neve.
Fonte: BBC
11 de marzo de 2024
Un estudo do Instituto Tecnolóxico de Massachusetts (MIT, polas súas siglas en inglés) revelou que as persoas que falan cinco ou máis linguas procesan a lingua materna e as linguas non nativas de xeito diferenciado. O estudo podería dar información importante sobre a capacidade de adaptación do cerebro humano e sobre a pegada cognitiva das primeiras linguas.
Fonte: Neuroscience
11 de marzo de 2024
Un tradutor de lingua de signos desenvolvido por CESAR (Centro de Estudos e Sistemas Avanzados de Recife) a través de intelixencia artificial vence o premio de innovación SXSW (South by Southwest).
Fonte: Bloomberg Línea
Boletín
Subscríbase ao boletín
