O secretario xeral de Política Lingüística, Valentín García, asiste en Braga a dúas das actividades programadas no marco da X edición do Festival Cultural Converxencias Portugal-Galicia, celebrado entre o 3 de febreiro e o 9 de marzo entre varias cidades das dúas beiras do Miño coa colaboración da Xunta de Galicia.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
26 de febreiro de 2024
23 de febreiro de 2024
Co fin de conmemorar o Día Internacional da Lingua Materna, varias deputadas e deputados do Parlamento de Turquía foron censurados por realizar discursos en linguas minorizadas turcas, como o kurdo ou o uzbeko.
Fonte: Stockholm Center for Freedom
23 de febreiro de 2024
A promoción do uso social do catalán en Barcelona incluirase como obxectivo transversal no próximo Plan estratéxico de subvencións do Concello. Con esta medida búscase favorecer a presenza desta lingua en todos os proxectos.
Fonte: El Nacional
23 de febreiro de 2024
Segundo o estudo Índice de Desigualdad Lingüística (IDL) de las regiones sociolingüísticas valencianas, impulsado pola Fundación Nexe, apréciase unha tendencia cara á desigualdade lingüística ao tempo que existen presións sociais e políticas contra o uso do valenciano.
Fonte: Gente
23 de febreiro de 2024
A Facultade de Ciencias do Campus de Lugo da Universidade de Santiago de Compostela entregou os premios deste certame que ten como obxectivo fomentar a creación de recursos audiovisuais en galego de temática científica.
Fonte: Consello da Cultura Galega
23 de febreiro de 2024
A peza audiovisual Neofalantes é unha pílula lingüística na que alumnado e profesorado deste centro de Vila de Cruces que procede de fóra de Galicia (Marrocos, Inglaterra, Venezuela, China, Andalucía, Asturias, Romanía...) explican a súa experiencia vital co galego.
Fonte: Consello da Cultura Galega
23 de febreiro de 2024
O ministro norteirlandés paras as Comunidades defendeu a necesidade de que a Asemblea de Irlanda do Norte aprobe unha lei da lingua de signos para garantir que os dereitos das persoas xordas se vexan recoñecidos.
Fonte: BBC
23 de febreiro de 2024
O presidente da Xunta en funcións, Alfonso Rueda, destacou a Rosalía de Castro coma unha autora valente e transgresora que será lembrada para sempre coma unha icona da literatura galega.
Fonte: O Portal da Lingua Galega
23 de febreiro de 2024
Un equipo de investigación da Universidade de Bangor elaborou unha enquisa para estudar os usos da lingua galesa nos condados de Gwynedd, Conwy e Ynys Môn, no norte do País de Gales.
Fonte: Cambrian News
23 de febreiro de 2024
Un lingüista checo codifica e documenta a lingua normanda que se fala na illa de Sark, unha das que integran as illas do Canal da Mancha. O sarkés conta tan só con tres falantes nativos vivos.
Fonte: BBC
Boletín
Subscríbase ao boletín
