Con este concurso, que ten como lema «Juguem amb la llengua», búscase encher as redes sociais de frases feitas en valenciano a través da publicación dunha foto en Instagram.
Fonte: Alzira Radio
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de febreiro de 2024
O Informe de la edición en euskera, correspondente ao ano 2022, ofrece datos sobre a produción, oferta e facturación de libros en éuscaro tanto en Euskadi, como en Navarra e en Iparralde.
Fonte: Gobierno Vasco
22 de febreiro de 2024
O Premio Rosalía de Castro de Lingua ten como obxectivo recoñecer iniciativas de normalización lingüística ou traxectorias de persoas e entidades que destaquen polo seu compromiso coa promoción e dignificación do galego.
Fonte: Consello da Cultura Galega
22 de febreiro de 2024
A Xunta de Galicia conmemorou o Día Internacional da Lingua Materna coa celebración do II Encontro 21 días co galego e +, unha xuntanza lúdica e didáctica que reuniu no Monte Gaiás preto de 600 participantes da VI edición do programa de dinamización lingüística homónimo para intercambiar experiencias, música e xogos ao longo da xornada.
21 de febreiro de 2024
A diminución do número de inscricións e a falta de apoio por parte do goberno portugués son dous dos factores que explican que as escolas de ensino de portugués en Australia estean a botar o peche.
Fonte: Contacto
21 de febreiro de 2024
Co fin de promover a diversidade lingüística e cultural, o Ministerio de Educación e Desenvolvemento Humano de Mozambique asegura que seguirá garantindo o ensino bilingüe nas escolas do país.
Fonte: Rádio Mozambique
21 de febreiro de 2024
O Manual de llinguaxe alministrativu en llingua asturiana ten como obxectivo facilitar o uso do asturiano na Administración pública local e autonómica. Esta guía inclúe, entre outros, formularios, requirimentos, resolucións, declaracións responsables, anuncios, bases reguladoras, certificacións, solicitudes, follas de reclamación, licenzas etc.
21 de febreiro de 2024
O obxectivo desta modificación é flexibilizar o sistema ao tempo que se garanten os dereitos lingüísticos da cidadanía. Así, o decreto recolle novos mecanismos para acreditar o perfil lingüístico e establece novos perfís que diferencian o nivel de expresión oral e escrita.
Fonte: EITB
21 de febreiro de 2024
A Real Academia Galega publicou na súa librería dixital Ideas, propostas e debates sobre a lingua (1916-1936), unha recompilación de máis dun cento de textos sobre o galego producidos entre o ano da fundación das Irmandades da Fala e a aprobación do Estatuto de Autonomía.
Fonte: Real Academia Galega
20 de febreiro de 2024
Ante a forte demanda de cursos de lingua kurda por toda Turquía, o país presenta unha forte falta de profesorado capacitado para impartilos. Nos últimos doce anos só se habilitaron 132 prazas de docentes.
Fonte: Medya News
Boletín
Subscríbase ao boletín
